اقتصاد و صلح مؤسسه‌سی، «خلق‌ارا تروریسم شاخصی» خصوصیده ینگی گزارش ترقه‌تگن. اوشبو گزارش‌ده افغانستان ۲۰۲۱-ییل‌ده عصیانچی‌لیک دن تاثیرلنگن مملکت‌لر بیرینچی رویخطی‌ده قرار تاپگن. افغانستان اوچینچی ییل کیتمه-کیت، تروریسم‌دن تأثیرلنگن مملکت‌لر بیرینچی رویخطی گه قرار آلگن.
اوشبو گزارش اساسیده، افغانستان ۲۰۲۱-ییل‌ده ۸۳۷ عصیانچی‌لیک واقعه گه گواه بولگن که نتیجه‌ده ۱۴۲۶ کیشی قربان بولیب و ۲۱۹۹ فقرا ایسه یره‌لنگن‌لر. شونینگدیک مذکور گزارش افغانستان‌ده ۹۱ گروگه آلیش واقعه یوز بیرگنیدن خبر بیرگن.
بیزلرنینگ فیسبوک صحیفه‌میزگه باش اورینگ!
گزارش گه کیلیشیچه، ۲۰۲۱-ییل‌ده دنیا بویلب تروریسم باعث افغانستان‌ده ۲۰ فایز اولیم واقعه یوز بیرگن؛ که اوشبو تلفات یریمی‌دن کوپراغینی تینچ اهالی تشکیل بیره‌دی. شونینگدیک ۲۰۲۱-ییل‌ده تروریستی واقعه‌لر ۳۳ فایز و اولیم ۱۴ فایز کوپه‌یگن.
افغانستان‌دن چیقاریش عملیاتی جریانیده کابل قونالغه‌سی یقینیده اویوشتیریلگن خودکش هجوم، قریب ۱۷۰ فقرا نینگ اولیمی و ۲۰۰ دن آرتیق کیشی نینگ یره‌لنیشی گه سبب بولدی، بو واقعه ۲۰۲۱-ییل‌ده عصیانچی‌لیک قانلی واقعه‌لردن دییلگن.
گزارش گه کیلیشیچه، اوتگن ییلی آگست اورته‌لریده افغانستان اسلامی امارت کوچلری تامانیدن تصرف ایتیلیشی‌دن کیین، اسلامی امارت کوچلری گه عاید تروریستی هجوم‌لر و اوشبو واقعه‌لر گه دایر تلفات کمه‌یگن، بیراق گزارش؛ افغانستان‌ده اسلامی امارت و داعش کوچلری آره‌سیده اوروش شدتلنیشیدن آگاه لنتیرگن.
اقتصاد و صلح مؤسسه‌سی نینگ گزارشی‌ده، تروریستی اکثر هجوم‌لر و اوشبو واقعه‌لر طفیلی تلفات کوپراق اسلامی دولت یا داعش، اسلامی امارت، الشباب و نصرت‌الاسلام و المسلمین جماعتی گه نسبت بیریلگن.
مذکور گزارش‌ده افغانستان‌دن کیین، عراق ۸۳۳ عصیانچی‌لیک واقعه که ۵۲۴ کیشی نینگ اولیمی و ۸۳۶ فقرا نینگ یره‌لنیشی گه سبب بولگن، دنیا بویلب تروریسم‌دن تاثیرلنگن ایکینچی مملکت تانیلگن.
بیزلرنینگ توییترده هم تعقیب قیلینگ!
اوشبو گزارش‌ده مملکت‌لر، عصیانچی‌لیک هجوم‌لر ۴ شاخصی «واقعه‌لر، هلاک بولگن‌لر، یره‌لنگن‌لر و مالی زیان‌لر» نی نظر گه آلیش بیلن رویخط گه آلینگن.
اقتصاد و صلح مؤسسه‌سی ۲۰۰۸-ییل‌ده قوریلگن. اوشبو مؤسسه مقری آسترالیا ده دیر و باشقه ۶ مملکتده نماینده‌لیگی بار. اقتصاد و صلح مؤسسه‌سی هر ییلی دنیا بویلب تروریستیک فعالیت‌لر رقمینی توپلب و خلق‌ارا تروریسم شاخصی‌نی اعلام قیله‌دی.
