رویترز آژانسینینگ بوگون (۲۵-حمل/۱۴-اپریل، سهشنبه)، بیش منبعدن نقل قیلیب گزارش بیریشیچه، امریکا و ایراننینگ مذاکره قیلووچی گروهلری، اوشبو هفتهنینگ سونگی کونلریده اسلامآباد گه باریشلری ممکن.
مذاکرهلرگه علاقهدار بیر منبع، حاضرگچه تاریخی تعیین بولمهگنی، لیکن مذکور هفته یکونیگچه ایکی مملکتنینگ مذاکرهلرگه قیتیشی ممکنلیگینی ایتگن.
شوندهی بیرحالده، ایراننینگ ییریک منبعلریدن بیریگه کوره: «قطعی شکلده تاریخی تعیینلنمهگن و هیئتلر مذاکره اوچون جمعهدن یکشنبه کونلرینی نظرگه توتگنلر.»
شونینگدیک مذاکرهلردن آگاه پاکستانلیک ایکی منبعنینگ ایتیشیچه، اسلامآباد حاضر مذاکرهلرنینگ کیینگی باسقیچی زمانی توغریسیده ایکی تامان بیلن هماهنگ بولماقده و بو ییغیلیشنینگ هفته آخریده اوتکزیلیشی ممکن.
پاکستان دولتی ییریک رسمیلریدن بیرینینگ ایتیشیچه: «ایران بیلن علاقهدهمیز و مذاکرهلرنینگ ایکینچی باسقیچیگه تیارگرلیکلری بارلیگی اساسیده، ایجابی جواب آلدیک.»
پاکستان تشقی ایشلر وزیرلیگی، حربیسی و باشوزیری ادارهسی همده آق سرای، فکر بیلدیریش توغریسیده رویترزنینگ ایستهگیگه جواب بیرمهگن.
