Asset 1SWN

افغانستان نینگ یوره‌گی ایکی پارتلش گه شاهد بولدی؛ ۱۵ هلاک و ۵۹ یره‌دار

hiouh-oyx77xgk4dznh4u8o9e0jtphl7yy0t78g5xsknrg5w

بامیان افغانستان نینگ تینچ ولایت‌لریدن بیری دیر، بیراق مذکور ولایت اوتگن کون (سه‌شنبه ۴- قوس) ایکی قانلی پارتلش گه شاهد بولدی.

بامیان ولایتی بوییچه سلام‌وطندار خبرچیسی انور سعادت‌یار نینگ ایتیشیچه، بیرینچی پارتلش اوتگن کون توشدن کیین ساعت ۴:۳۰ اطرافیده یوزبیردی و اوندن کیین ایکینچی پارتلش.

بامیان ساغلیک مسئوللری نینگ ایتیش‌لریچه، مذکور ایکی پارتلش ده ۱۵ کیشی هلاک و باشقه ۵۹ کیشی تن جراحتی کوتاردی. حادثه قربانی‌لری آره‌سیده عیاللر و باله‌لرهم شامل دیر.

ایتیلیشیچه، حادثه یره‌دارلردن قطاری نینگ ساغلیک وضعیتی یمان دییلگن و شونینگدیک هلاک بولگنلر سانی کوپه‌یشی ممکن.

بامیان امنیتی مسئوللری گه کوره، بو پارتلش‌لر «کسلخانه» کوچه‌سی و «ولی‌عصر» مارکیتی برابریده یوز بیرگن.

اوشبو قانلی حادثه مسئولیتی نی حاضرگچه بیرار گروه یا-ده شخص بوینیگه آلمه‌گن و شونینگدیک طالبان گروهی بو هجوم گه قوللری بارلیگی نی رد قیلگن.

اوتگن کون کیچ قورون بامیان مطبوعات دفتری نینگ اعلام قیلیشیچه، حادثه عامل‌لریدن ایکی ته‌سی امنیتی کوچلر آرقه‌لی قولگه آلینگن. مذکور حادثه دن ۱۴ ساعت اوتیشی بیلن بامیان امنیتی مسئوللری قولگه آلینگن کیشیلر حقیده آرتیق تفصیلات بیرمه‌گن.

بو حادثه، جمهوررئیس‌لیک سرایی، جمهورلیک ریاستی نینگ ایکینچی اورین‌باسری و مملکت سابق جمهوررئیسی حامد کرزی نینگ عکس‌العملی گه روپه‌رو بولدی.

جمهوررئیس‌لیک سرایی بو هجوم نی قاره‌لب ایتیشیچه «طالبان و باشقه ترورچی‌لیک گروه‌لر» تینچ‌اهالی و عامه تأسیسات‌لرنی هدف آستیده آله‌دی.

جمهورلیک ریاست ایکینچی اورین باسری سرور دانش، اوتگن کونگی هجوم نی دشمن نینگ ناکام حرکتی دیگن. اونینگ ایشانچی گه کوره، دشمن مملکتده زوروانلیک و قورقینچ نینگ کینگه‌یتیریش اوچون حرکت قیله‌دی.

مملکت سابق جمهوررئیسی حامد کرزی، بامیان ده یوزبیرگن هجوم نی افغانستان اهالیسی و تینچلیگی گه قرشی دسیسه دیگن.

شونینگدیک جمهورلیک ریاست بیرینچی اورین باسری امرالله صالح، بامیان ده یوزبیرگن قانلی هجوم نی ترورچیلیک دیب و اونینگ قارله‌گن.

مملکت مرکزیده قرار تاپگن بامیان ولایتی، تینچ ولایت‌لردن بیری دیر. اوتگن کون یوزبیرگن قانلی هجوم نینگ بامیان تاریخی ده مثلی کم کوریلگن.

مرتبط با این خبر:

شریک قیلینگ:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام