غور بنگوار ماده‌لری معتادلرینی درمانلش ۲۰ یاتاقلی کسلخانه مسئول‌لری نینگ ایتیشلریچه، اوشبو کسلخانه نینگ ایچکی فعالیتی، بودجه سیزلیک باعث ایکی آی‌دن بویان توخته‌تیلگن و اولر کسل‌لرنی اوز اوی‌لریده دارو-دواله‌یدیلر.
غور معتادلرنی درمانلش کسلخانه مسئولی محمدعمر لعل‌زاد نینگ سلام وطندار گه ایتیشیچه، مذکور کسلخانه نینگ ایچکی فعالیتی توخته‌تیلیشی بیلن، اکثر کسل‌لر قیته‌دن اعتیاد گه یوز کیلتیرگن و اوشبو ولایتده معتادلر سانی کوپه‌لگن.
بیزلرنینگ فیسبوک صحیفه‌میزگه باش اورینگ!
لعل‌زاد نینگ تأکیدلشیچه، اوشبو کسلخانه نینگ برچه قیینچیلیک‌لری محلی و مرکزی مسئوللر بیلن شریک قیلینگن و قیته فعالیت گه باشله‌شی اوچون سعی-حرکت قیلماقده‌لر.
انه شوحالده، غورده‌گی معتادلردن قطاری نینگ سلام وطندار گه ایتیشلریچه، اوشبو مرکز یاپیلیشی بیلن بنگوار ماده‌لر گه چلینگنلر سانی کوپه‌یگن.
معتادلردن بیری گل‌محمد نینگ ایتیشیچه، ایکی ییل‌دن کوپراق‌دن بویان تورموش اورتاغی و ایکی فرزندی بیلن فیروز کوه شهری نینگ ویرانه‌لریدن بیری‌ده تیریکچیلیک قیله‌دی. اونگه کوره، معتادلر بنگوار ماده‌لرنی ۵۰ افغانی دن ۱۰۰ افغانی گچه ساتیب آلیب و استفاده قیلیب بیله‌دیلر.
بیزلرنینگ توییترده هم تعقیب قیلینگ!
باشقه تاماندن گل‌محمد نینگ خاتینی فاطمه گه کوره، تورموش اورتاغی بنگوار ماده گه چلینگنیدن ۱۷ ییل بوله‌دی، او نیچه مراتبه درمان اوچون تلاش قیلدی؛ لیکن موفق بوله آلمه‌دی.
برچه‌سی بیلن، غور ساغلیق‌نی سقلش ریاست متصدی‌لری نینگ ایتیشلریچه، اولر مرکزی رسمی‌لر نینگ همکارلیگی بیلن، اوشبو ولایت معتادلر کسلخانه‌سی قیته فعالیت گه باشله‌شی مقصدیده سعی-تلاش قیلماقده‌لر.
