تخار ولایتیده ۱۰، ۱۱ و ۱۲ صنف «اوزبیک درسلیکلری» اوشبو ولایتنینگ ایریم مکتبلریده ترقهتیلدی. محلی منبعلر سلاموطندار بیلن صحبتده ایتیشلریچه، ۳۰۰۰ نسخهده چاپ قیلینگن بو کتابلر ۱۰-۱۱ و ۱۲ صنف درسلیگی بولیب تخار ولایتینینگ دشتقلعه، ینگیقلعه، خواجه بهاوالدین، خواجهغار و بهارک تومنلری مکتبلریده ترقهتیلگن.
بیرلشگن ملتلر تشکیلاتی انسان پرورلیک یاردملرینی موافقلشتیرووچی تشکیلاتینینگ افغانستان بولیمی (اوچا) ایرلند افغانستان گه اوچ میلیون یورو یاردم بیرگنینی معلوم قیلدی.
جاپان حکومتی ناقانونی مهاجرلر گه قرشی نظارت چارهلرینی کوچهیتیرماقده. خلقارا ییتکرمهلرنینگ خبریگه کوره، جاپان مهاجرلر ادارهسی کیلگوسی ییلگه قدر اجتماعی ترماقلر و آنلاین پلتفرمهلرنی مانیتورینگ قیلووچی مخصوص بولینمه تشکیل ایتیشنی ریجهلشتیرماقده.
اسلام امیرلیگی مدافعه وزیری محمدیعقوب مجاهد، خلقارا امنیتی ییغیلیشده اشتراک ایتیش اوچون روسیه گه بارگن. مدافعه وزیرلیگی، ۴ جوزا/۲۵ می، دوشنبه کونی ایکس صحیفهسیده بیر بیانیه ترقهتیب مجاهد جنابلری منطقه و دنیا مملکتلرینینگ امنیتی و مدافعه عملدارلری اشتراکی بیلن اوتکزیلیشی ریجهلشتیریلگن ییغیلیشده قتنهشیش اوچون، روسیه گه بارگنینی بیلدیرگن.
اوزبیکستان تامانیدن قربان هییتی مناسبتی بیلن همده افغانستاننینگ سوو تاشقینلریدن جبر کورگن اهالیسینی قوللب-قوتلش مقصدیده انسان پرورلیک یاردمی یوباریلگن. اوشبو یاردملر بوگون (۴ جوزا/۲۵ می، دوشنبه) حیرتان بندریگه ییتیب کیلگن و اوزبیکستان جمهور باشلیغی شوکت میرضیایفنینگ تاپشیریغی اساسیده یوباریلگن.
روسیه جمهور باشلیغی ولادیمیر پوتین قزاقستان گه رسمی دولت تشریفی بیلن بارهدی. قزاقستان جمهورلیک ریاستی مطبوعات خذمتی، بوگون (۴ جوزا/۲۵می، دوشنبه) بیر بیانیه ترقهتیب ولادیمیر پوتین ۲۷-۲۹ می کونلری اوشبو مملکت گه باریشینی بیلدیرگن. معلوم قیلینیشیچه، تشریف قزاقستان جمهور باشلیغی قاسم جومارت توقایف تکلیفی گه بناً عملگه آشیریلهدی.
قرغیزستانده استارلینک اینترنت خذمتی رسماً ایشگه توشدی. کاکتوس میدیا نشری گه کوره، اوشبو مملکتده استارلینک اینترنت خذمتی ۲۳ میدن باشلب ایشگه توشیریلگن. معلوماتلر گه کوره، ایندیلیکده فایدهلنوچیلر استارلینکنینگ رسمی پلتفرمهسی آرقهلی اوز حدودلریده خذمت موجودلیگینی تیکشیریشی همده اینترنت خذمتیگه اولهنیش اوچون عریضه تاپشیریشی ممکن.
امریکا تشقی ایشلر وزیری مارکو روبیونینگ ایتیشیچه، مملکتی ایران بیلن یخشی کیلیشووگه ایریشهدی یا-ده بو دولتگه نسبت باشقه یول بیلن مناسبت بیلدیرهدی.
اسرائیل، لبنان جنوبیدهگی پهپادی هجوم نتیجهسیده عسکرلریدن بیرینینگ هلاک بولگنینی معلوم قیلگن. اسرائیل اردوسینینگ بوگون گزارش بیریشیچه، بو مملکتنینگ ۱۹ یاشر عسکری اوتگن کونی لبنان ده یوز بیرگن توقنشوولرده هلاک بولگن.
اسلام امیرلیگی تشقی ایشلر وزیری امیرخان متقی، کابل ده جاپان ایلچیسی کنیچی ماساموتو بیلن اوچرهشیب، افغانستان و جاپان آرهسیدهگی ایکی تامانلمه مناسبتلر اهمیتی و کینگهیشی توغریسیده صحبت قیلگن.
کابل شهری یشاوچیلریدن بیرقطاری گه کوره، بازارلرده آزیق-آوقت نرخی یوقاریلیگی اولرنی کوندهلیک احتیاجلرینی تأمینلشده قیینچیلیک بیلن دوچ قیلگنینی ایتهدیلر. اولرنینگ کوپهیتیریشیچه، ایشسیزلیک و برقرار درآمد یوقلیگی عایلهلرنی اقتصادی باسیم بیلن روپهره قیلگن.
رویترز آژانسینینگ گزارش بیریشیچه، پاکستاننینگ کویته شهریدهگی تیمیر یولی یونهلیشیده یوز بیرگن پارتلش نتیجهسیده، کمیده ۲۴ کیشی اولیب و ۵۰ دن آرتیق کیشی یرهلنگن.
اسلام امیرلیگی رهبری شیخ هبتالله آخوندزاده، قربان هییتی بیرهمی مناسبتی بیلن ترقهتگن قوتلاو پیامیده ایتیشیچه، دنیا اینیقسه اسلامی مملکتلر بیلن شریعت اساسیده سیاسی و اقتصادی علاقه قوریشنی ایستهیدی.
امریکا ییتکرمهلرینینگ گزارش بیریشیچه، واشینگتن دیسی ده آق سرای یقینیده قوراللی بیر کیشی خوفسیزلیک کوچلری تامان اوق آتگن.
لبناننینگ تورلی بولیملریگه اسرائیل آرقهلی اویوشتیریلگن اینگ ینگی هوا هجوملریده، کمیده ۲۰ کیشی اولیب و باشقه اونلب کیشی یرهلنگن.
اسلام امیرلیگی اقتصادی اورین باسرلیگی، تدارکات کمیسیونی ییغیلیشیده ۴.۲ میلیارد افغانیلیک ۱۵ لایحه تصدیقلنیب و باشقه ۷ لایحه گه اوزگریریشلر کیلتیریلگنیدن خبر بیردی.
