اسلام امیرلیگی تشقی ایشلر وزیری امیرخان متقی و تینچلیک همده سیاسی ایشلر بوییچه بیرلشگن ملتلر تشکیلاتینینگ باشکاتبی اورینباسری روزمیری دیکارلو، افغانستاننینگ نیازمند یشاوچیلریگه یاردم بیریش جریانی، انسانسیورلیک یاردملرنینگ تاثیرلی بولیشی کوپهیشی و افغانستان ده بیرلشگن ملتلر تشکیلاتینینگ اورینباسرلیک هیئتی (یوناما)، فعالیتلری توغریسیده فکر المشتیرگنلر.
تشقی ایشلر وزیرلیگینینگ بوگون (۲۸-جوزا/۱۸-جون، پنجشنبه)، بیر بیانیه ترقهتیب اعلام قیلیشیچه، امیرخان متقی و روزمیری دیکارلو تلیفونی بیر سوزلشووده ایکی تامانلمه موضوعلر حقیده صحبت قیلگنلر.
بیانیه اساسیده، ایکی تامان افغانستاننینگ نیازمند یشاوچیلریگه قندهی یاردم بیریش و یاردم کورسهتیش جریانینینگ فایدهدارلیگینی آشیریش یوللری توغریسیده بحث قیلگنلر.
شونینگدیک دیکارلو، افعانستان ده بیرلشگن ملتلر تشکیلاتینینگ جاری سعیوحرکتلری و یوناما فعالیتیگه باغلیق سونگی اوزگریشلر حقیده معلومات بیرگن.
تشقی ایشلر وزیرلیگینینگ کوپهیتیریشیچه، متقی و دیکارلو اوشبو سوزلشووده اوز ارا کیلیشوو دوامی، فایدهلی تعامل و ایکی تامان آرهسیده همکارلیکلر کوچهیشیگه تاکید قیلگنلر.
بیرلشگن ملتلر تشکیلاتی و اونگه تیگیشلی نهادلر، افغانستان ده اینگ مهم انسانسیورلیک یاردملرنی تامین قیلووچی حسابلنهدی. شونینگدیک یوناما، اوشبو تشکیلات فعالیتلرینینگ بیر بولیمینی هماهنگلش و اسلام امیرلیگی بیلن تعامل قیلیش مسئولیتیگه ایگه دیر.
شونینگدیک بیرلشگن ملتلر تشکیلانی خوفسیزلیک کینگشی، ینگیلیکده یوناما مأموریتینی بیر ییلگچه اوزهیتیردی.
