فرانسه تشقی ایشلر وزیری ژان نوئل بارونینگ ایتیشیچه، امریکا لبنان ده اسرائیلنینگ دشمنلیکلریگه چیک قویش اوچون بو مملکتگه باسیم کیلتیریشی کیرهک.
بارو، «فرانساینفو» ترماغی بیلن اوتکزگن صحبتلریده، لبنان اردوسی قوللب-قوتلنیشی مقصد فرانسه، خلقارا کنفرانس اوتکزیش اوچون حرکت قیلیشینی قوشیمچه قیلگن.
اوشبو بیانات، اسرائیل اردوسی لبنان گه قرشی هجوملر توختهتیلیشی اوچون امریکا و ایران آرهسیدهگی کیلیشوو ایستهکلری موجود بولگنی بیلن ینه هم بو مملکت جنوبیده حزبالله کوچلری و آستقورمهلریگه عملیاتینی دوام بیرگنی بیرحالده، بیان بولگن.
شونینگدیک بارو، فرانسه بیرلشگن ملتلر تشکیلاتی خوفسیزلیک کینگشینینگ ایران گه قرشی تحریملرینی بیکار قیلیشیگه راضی بولمسلیگی، یالغیز تهراننینگ هستهای دستوری بوییچه آلیب باریله یاتگن مذاکرهلر نتیجهسی بو مملکت کوته یاتگن طلب و میزانلرگه جواب بیرگن تقدیرده بوندهی قرارنی قوللب-قوتلشی ممکنلیگینی ایتگن.
