پایتخت کابل یشاوچیلریدن ایریملری استقلال کسلخانهسیده کیچه تاماندن طبی خذمتلر جملهدن شفاکار ییتیشمسلیگی، بستر یوقلیگی و اوز وقتیده دوالنمسلیک کبی قیینچیلیکلر بیلن روپهره ایکنلریدن شکایت قیلماقده. اولرنینگ ایتیشیچه، ایریم حالتلرده حتا ایمرجنسی کسللر اوز وقتیده قبول قیلینمهیدی – بو مسئله کابل یشاوچیلرینی تشویشیگه سبب بولگن.
اسلام امیرلیگی صناعت و سودا وزیری نورالدین عزیزی، ترمذ ایکینچی ییغیلیشیده، مرکزی و جنوبی آسیا باغلنیشی بارهسیده، افغانستاننینگ بوتوغریدهگی رولی مهملیگینی بیلدیردی.
بلخ مرکزی مزارشریف شهریده ۲۷۷ میلیون افغانی مبلغ عوضیگه بلخ-سمنگان یونهلیشیده بیش کیلومتر اوزونلیگی بولگن بیر سرکنینگ اسفالتلش و کینگهیتیریش ایشی باشلندی. مزارشریف شهری بلدیه باشلیغی عبدالرحمان همت گه کوره، بو سرک بیش کیلومتر اوزونلیکده و ۱۶متر کینگلیکده قوریلهدی و ایشی بوگون (۱۴ جوزا/۴ جون، پنجشنبه) باشلنگن.
اسرائیل و لبنان، حزبالله هجوملرنی توختهتیشی شرطی بیلن کیلیشوو گه ایریشدی. معلوماتلر گه کوره، ایران تامانیدن قوللب-قوتلنهدیگن حزبالله لبنان اسرائیل گه قرشی برچه هجوملرنی تولیق توختهتیب و جنوبی لبنانده اسرائیل نظارتی آستیدهگی حدودلردن چیققن حالده، کیلیشوو عملی قیلینهدی.
پروان بگرام تومنی اولسوالی عبدالله قاسم، اوشبو ولایتده بیش کیشی جملهدن اوچ عیال و ایکی ایرکک همهنینگ آلدیده درهلنگنینی بیلدیردی.
هرات ولایتی سوت محصولاتلری اویوشمهسی مسئوللری، بو ولایت ایچکی بازارلر احتیاجلرینی قاندیریشگه قوشیمچه، هر آی ۱۰ تُن قروت و حیوانی یاغ تورکیه گه یوباریشینی معلوم قیلهدیلر.
بیرلشگن ملتلر تشکیلاتی انسان پرورلیک یاردملرینی موافقلشتیرووچی ادارهسی افغانستان بولیمی (اوچا)، آیسلند افغانستان گه ۴۰۲ مینگ دالر یاردم بیرگنینی بیلدیردی.
بیرینچی مرته، هرات سوت محصولاتلری ساتووچیلری اویوشمهسی تامانیدن بو ولایت ایکینچیلیک، سووغاریش و چارواچیلیک ریاستی همکارلیگیده سوت استعمالینینگ اهمیتی و محلی محصولاتلرنی قوللب-قوتلش حقیده خبردارلیکنی آشیریش مقصدیده، خلقارا سوت کونی نشانلندی.
خلقارا ییتکرمهلرنینگ معلوماتیگه کوره، روسیهنینگ اوکراین گه قرشی ینگی هجوملری عاقبتیده بو مملکتده کمیده ۲۳ کیشی اولگن و ۱۳۰ کیشی یرهلنگن.
یقین قوشنی دولت اوزبیکستان افغانستان خلقی گه نوبتدهگی امیدبخش و خیرلی کمک قولینی چوزدی. بو مملکت افغانستانده دهقان و محنتکارلیکنی فعال قوللب-قوتلش مقصدیده ایکینچیلیکنینگ اینگ سره و یوقاری صفتلی اوروغلیکلرینی ییتکزیب بیرگن.
حزبالله، لبنان جنوبی حدودلریده اسرائیل حربی کوچلریگه قرشی ۱۳ هجوم اویوشتیرگنینی معلوم قیلدی. هجوملرده عسکرلرنینگ توپلنگن جایلری، حربی موترلر و اردو قوماندانلیک مرکزلری نشانگه آلینگن.
ایران اسلام انقلابی قوریقچیلری، امریکانینگ هرمز بوغوزی یقینیده ایران نفت تانکریگه قیلگن هجومیگه جواباً، امریکا-اسرائیل حربی کیمهسیگه ضربه بیرگن. ایران تسنیم آژانسی، بوگون (۱۳ جوزا/۳ جون، چهارشنبه) بامداد پیتی یازیشیچه، ایران اسلام انقلابی قوریقچیلری راکته همده دران آرقهلی امریکانینگ هوایی پایگاهلری جملهدن بو مملکتنینگ بیشینچی کیمه (ناوگان)ستادی و شونینگدیک منطقه مملکتلریده جایلشگن اولرنینگ حربی اوسکونهلرینی نشانگه آلگن.
فراه ولایتی ایکینچیلیک، سووغاریش وچارواچیلیک ریاستی مسئوللری، اوشبو لایتده ترووز (تربوز) حاصلی بیش فایز آشگنینی معلوم قیلدیلر.
قرغیزستان حکومتی، بو مملکتده ناس ایشلب چیقریش و ساتیشنی منع قیلیش گه قرار قبول قیلگن.
افغانستان سودا و سرمایه کیریتیش اتاقی، اوشبو اتاق هیئتی اوزبیکستان گه جونب کیتگنینی بیلدیردی.
بدخشان ولایتی شغنان تومنی شدوج، سرچشمه و وریزن قیشلاقلرینینگ برقی اوزیلگنیدن قریب بیر ییل اوتماقده ایکن، بو قیشلاقلرنینگ یشاوچیلری برق یوقلیگی سببلی ایریم قیینچیلیکلر بیلن دوچ ایکنلریدن شکایت قیلماقده.
