کابل بلدیهسی، «هنگرها» حدودلریده «شهید چهارراهه»سیده کوپریکلر و ایلنمه یولَکلر قوریلیش لایحهسینینگ تخنیکی ایشلری یکونلنگنیدن خبر بیردی.
اوشبو اداره، ۳ سرطان/۲۴ جون، چهارشنبه ایکس صحیفهسیده بیر بیانیه ترقهتیب، هنگرها حدودلریده شهید چهارراههسیده ایکی آسمه کوپریک وتورت ایلنمه یولَک لایحهسی، ترافیکی گوجوملیک و یشاوچیلرنینگ باریب-کیلیشینی آسانلشتیریش مقصدیده نظرگه آلینگنینی معلوم قیلگن.
بیانیه گه کوره، اوشبو لایحه ۶۵۴ متر اوزونلیکده، ۴۵ متر کینگلیکده و ۷ متر بلندلیکده قوریلیشی ریجهلشتیریلگن و اونینگ عملگه آشیریلیشی بیلن، کابل شهرینینگ اینگ گوجوم یوللریدن بیرینینگ قیینچیلیگی حل ایتیلیشی ممکن.
کابل بلدیهسی، مذکور لایحهنی اینگ مهم آست قوریلمه ریجهلردن بیری دیب و عملی ایشی اوشبو ییل دوامیده باشلنهدی دیگن.
