بلخ ولایتی مرکزی مزارشریف شهری بلدیهسی رسمی‌لری، ۴۳ میلیون افغانیلیک بیر سرک نینگ اسفالت قیلیش ایشی باشلنگنیدن خبر بیرگنلر.
مزارشریف شهری بلدیهسی باشلیغی محمدکاظم طارق نینگ ایتیشیچه، «جمعه‌اثک» سرکی ۴۳ میلیون افغانی عوضی گه اسفالت قیلینیب و اوچ آی‌گچه فایده‌لنیشگه تاپشیریلیشی ممکن.
بیزلرنینگ فیسبوک صحیفه‌میزگه باش اورینگ!
طارق جنابلری گه کوره، بیر مینگ ۲۵۰ متر اوزون‌لیگی و کینگ‌‌لیگی ۲۵ متر بولگن اوشبو سرک، اریقچه‌لری بیلن مزارشریف شهری بلدیهسی بودجه‌سی تامانیدن اسفالت بوله‌دی.
او نینگ کوپه‌یتیریشیچه: «نیچه مرته مزارشریف اهالیسی اوشبو سرک نینگ اسفالت قیلینیشینی ایسته‌گن ایدیلر بو سرک اوچ آی‌گچه فایده‌لنیشگه تاپشیریلیشی ممکن.»
عین‌حالده، محل یشاوچیلری دن بیر قطاری نینگ ایتیشلریچه، اوشبو سرک اسفالت قیلینیشی بیلن اهالی نینگ کوپینچه قیینچیلیک‌لری حل بوله‌دی.
بیزلرنینگ «ایکس» ترماغی ده هم تعقیب قیلینگ!
محل یشاوچیلری دن بیری عزیزالله نینگ ایتیشیچه: «اوشبو سرک بوزیلگن ایدی یشاوچیلر یاز و قیش موسومی‌ده کوپ عذاب گه ایدیلر یاز موسومی ده توپراق دن عذاب گه ایدیلر و قیش موسومی‌ده لای بیلن، بو سرک اسفالت بولیشیدن خورسندمیز.»
برچه‌سی بیلن، مزارشریف شهری بلدیهسی گه کوره، بو ریاست اوشبو ییل ده اوز بودجه‌سیدن کوپ سانده بنیادی ایشلرنی عملگه آشیریب و فایده‌لنیشگه تاپشیرگن.
