ایکینچیلیک، سووغاریش و چارواچیلیک وزیرلیگی، فاریاب ولایتیده ۱۹۲ جریب ییرده گیلاس باغلری برپا ایتیلگنینی معلوم قیلدی.
اوشبو وزیرلیک، بوگون (۷ سرطان/۲۸ جون، یکشنبه) فیسبوک صحیفهسیده بیر بیانیه ترقهتیب، گیلاس باغلری فاریاب ولایتی ایکینچیلیک، سووغاریش و چارواچیلیک ریاستی همکارلیگی همده اوشبو ریاستنینگ ترقیاتی بودجهسیدن برپا ایتیلگنینی ایتگن.
بیانیه گه کوره، بو باغلر فاریاب ولایتینینگ پشتونکوت، گرزیوان، خواجه موسی، خیبر و میمنه تومنلریده تامچیلتیب (قطرهای) سووغاریش تیزیمی بیلن تأمینلنیب برپا ایتیلگن.
فاریاب ایریم تومنلریده گیلاس باغلری، باغدارچیلیکنی رواجلنتیریش، سوو منبعلریدن یخشی فایدهلنیش، ایکینچیلیک محصولاتنینگ مقداری و صفتینی آشیریش همده دهقانلرنینگ درآمدلرینی یخشیلش مقصدیده ایکنی تأکیدلنگن.
