روسیه عملدارلری، اوکراین اردوسینینگ روسیه غربیده بریانسک چیگره حدودلریگه هجوم اویوشتیرگن و اونینگ نتیجهسیده ایکی کیشی اولیب و ۱۰ کیشی یرهلنگنینی بیلدیرگنلر. رویترز، بوگون (۲۲ جوزا/۱۲ جون، جمعه) روسیه رسمیلریگه اساسلنیب ایتیشیچه، اوکراین اردوسی بریانسک ایریم حدودلریگه هجوم اویوشتیرگن.
امریکا قوشمه ایالتلری جمهور باشلیغی دونالد ترامپ، تهران و واشنگتن اورتهسیدهگی صلح کیلیشووی ایران رهبری تامانیدن تصدیقلنگنینی بیلدیردی.
لبناننینگ جنوبی بولیملریگه اسرائیل آرقهلی اویوشتیریلگن اینگ ینگی هجوملر عاقبتیده، کمیده ۱۶ کیشی اولیب و باشقه بیر قطار کیشی یرهلنگن.
افغانستان ده بیرلشگن ملتلر تشکیلاتی اورینباسرلیک هیئت ادارهسی (یوناما)، پاکستان آرقهلی افغانستاننینگ اوچ ولایتیگه اویوشتیریلگن سونگی هجوملر نتیجهسیده، ۲۳ تینچاهالی اولیب و یرهلنگنینی ایتگن.
امریکا اردوسی مرکزی قوماندانلیگی (سنتکام)، اوشبو مملکت کوچلری دونالد ترامپنینگ بویروغی بیلن ایران دهگی بیر نیچه نشانگه قرهتیلگن «بیر قطار مدافعه هجوملری» نینگ عملگه آشیرگنلرینی، معلوم قیلگن.
ایران سپاه پاسداراننینگ اعلام قیلیشیچه، اویوشتیرگن راکته هجومیده امریکانینگ اف-۳۵، اف-۱۶ و اف-۱۵ حربی اوچاقلری همده بو مملکتنینگ حربی قوریلمهلریدن قطارینی نشانگه آلیب و اولرگه آغیر زیانلرنی ییتیشتیرگن.
ایران جمهور باشلیغی مسعود پزشکیان، امریکا قوشمه ایالتلری جمهور باشلیغی دونالد ترامپنینگ ایرانده آست قوریلمهلرنی نشانگه آلیش بیلن تهدید قیلیش بیاناتیگه مناسبت بیلدیریب ایتیشیچه، ترانسپورت، صناعت، برق و سوو توغانلریگه ضربه بیریش، عاجزلیک بیلگیسی دیر.
اسلام امیرلیگی سوزلاوچیسی ذبیحالله مجاهدنینگ اعلام قیلیشیچه، پاکستان ینه بیر مرته افغانستاننینگ اوچ ولایتیگه هجوم قیلیب و بو مملکت حریمینی نقض قیلگن.
معلوم قیلینیشیچه، شمالی کوریا و چین رهبرلری ایکی تامانلمه همکارلیکلرنی مستحکملش اینیقسه سیاسی، اقتصادی و فرهنگی ساحهلرده کیلیشیب آلگنلر. کیم جونگ اون، نطقیده پیونگ یانگ پکن بیلن مناسبتلرنی ینگی باسقیچگه آلیب چیقیشگه تیار ایکنینی و ایکی دولت اورتهسیدهگی «استراتیژیک مناسبت»لر نی ینهده مستحکملش نیتینی بیلدیرگن.
کانلر و پترولیم وزیرلیگی مسئوللری، هراتده تاپی لایحهسینینگ انشاآتی ایشلری ۵۲ فایز یکونلنگنینی معلوم قیلگنلر. اوشبو اداره سوزلاوچیسی همایون افغان، بوگون (۱۹ جوزا/۹ جون، سهشنبه) ایکس صحیفهسیده بیر بیانیه ترقهتیب، حاضرگچه تاپی لایحهسینینگ ۸۰ کیلومتریده لوله تارتیلگن و ۱۲۶ کیلومتری لوله تارتیش اوچون تیارلنگنینی بیلدیرگن.
امریکا اردوسینینگ AH-64 آپاچی جنگاور تیکاوچری هرمز بوغوزی حدودیده قولب توشگن. معلوماتلر گه کوره، اوشبو تیکاوچر ایران کوچلری تامانیدن اوریب توشیریلگنمی یا کی تخنیک سبب قولهگنمی، هنوزگچه انیق ایمس. بو تیکاوچر، ۱۸ جوزا/۸ جون، دوشنبه کونی قولب توشگن و ایکی پیلوتی آمان قالگن و حادثه یوزهسیدن تیرگاو آلیب باریلماقدهلیگی ایتیلگن.
امریکا جمهور باشلیغی دونالد ترامپ اورینباسری جیدی ونسنینگ ایتیشیچه، اوشبو مملکت ایران بیلن مذاکرهلرده مقصدلریگه ایریشیش اوچون یخشی بیر موقعیتگه قرار تاپگن.
حزبالله لبنان، اوشبو مملکت جنوبیده اسرائیل اردوسیگه قرشی انیق ۱۶ هجوم اویوشتیرگنینی معلوم قیلگن. خلقارا ییتکرمهلرنینگ بوگون (۱۹-جوزا، سهشنبه)، گزارش بیریشیچه، حزبالله اسرائیل اردوسینی لبناننینگ «بیت یاحون»، «رشاف»، «ناقوره»، «الطیری» و «عیناثا» منطقهلریده نشانگه آلگن.
ایران اسلام انقلابی قوریقچیلری، اسرائیل اردوسینینگ ضاحیه و لبنان جنوبی حدودلریگه اویوشتیرگن هجوملری گه جواب، ایراننینگ اسرائیل گه قرشی حربی عملیاتی توختهتیلگنیدن خبر بیردی.
پاکستان حاکمیتی آستیدهگی کشمیر ده خوفسیزلیک کوچلری و اعتراضچیلر آرهسیده یوز بیرگن توقنشوو نتیجهسیده، کمیده ۱۱ کیشی اولیب و ۷۰ دن آرتیق کیشی یرهلنگن.
یمن حوثیلری سوزلاوچیسینینگ اعلام قیلیشیچه، اوشبو گروه باسیب آلینگن یافا حدودیده «اسرائیلگه تیگیشلی مهم نشانلر» گه قرشی کینگ کولملی راکته هجوملرینی اویوشتیرگن.
