بلخ ولایتیده «قاوون» ییغیم-تیریم موسومی ییتیب کیلیشی بیلن، دهقانلر محصولاتلرینی ساتیش اوچون بازار یوقلیگیدن شکایت قیلماقده.
اوشبو دهقانلردن ایریملری، بوگون (۱۱ سرطان/۲ جولای، پنجشنبه) سلاموطندار بیلن اوتکزگن مخصوص صحبتده، مملکتدن تشقریگه قاوون یوباریلمسلیگی سببلی، کوپینچه مالیهوی ضرر کورگنلرینی ایتگنلر.
دهقانلر و قاوون ساتووچیلر حکومتدن، ایکینچیلیک محصولاتنی قوللب-قوتلش مقصدیده قاوون صادراتینی مرکزی آسیا مملکتلریگه اینیقسه اوزبیکستان گه یرهتیشنی ایستهیدیلر.
شو بیلن بیرگه، بلخ ولایتی ایکینچیلیک، سووغاریش و چارواچیلیک ریاستی مسئوللری، دهقانلرنی قوللب-قوتلش اوچون سعی-حرکت قیلینهیاتگنینی بیلدیریب و اوشبو ییل دوامیده بلخده دییرلی ۱۶۰۰۰ هکتار ییرده قاوون ایکیلگنینی معلوم قیلهدیلر. مذکور اداره معلوماتلریگه کوره، هر هکتار ییردن تخمیناً ۱۵ متریک تُن قاوون حاصل آلینگن.
غازی خانی، چتری، سبزک، امیری، بوبلایی، ارکانی، گرمه و زنبورگچه، اینگ مشهور قاوونلردن بولیب و بلخ ولایتینینگ چهاربولک، چمتال، نهرشاهی، دهدادی و شولگره تومنلریده ایکیلهدی.
