امریکانینگ میشیگان ایالتی دیربورن شهریده «فیرلین» سودا مرکزیده صادر بولگن آتیشمه عاقبتیده ایکی کیشی هلاک بولگن و بیر کیشی جراحت آلگن.
ایبیسی نیوز گه کوره، حادثه ۱۲ سرطان/۳ جولای، جمعهدن شنبه گه اوتر کیچه یوز بیرگن.
معلوماتلر اساسیده، قربانلردن بیری واقعه جاییده، ایکینچیسی ایسه شفاخانهده وفات ایتگن و جراحتلنگن کیشیلر ایسه دوالنیش اوچون شفاخانه گه آلیب باریلگن.
پولیس معلوماتلریگه کوره، آتیشمه تصادفی هجوم بولمهگن، ماجرا سودا مرکزیده ایکی گروه اورتهسیده یوزه گه کیلگن و جنجل قوراللی توقنشوو گه ایلنگن اما ماجرانینگ انیق سببی حاضرگچه انیقلنمهگن.
حاضرگه قدر هیچ کیم حبس گه آلینمهگن همده حقوق-ترتیبات ادارهلری واقعه یوزهسیدن تیرگاونی دوام ایتتیرماقده.
