اوکرایننینگ بیر قطار بولیملریگه روسیه آرقهلی اویوشتیریلگن اینگ ینگی هجوم نتیجهسیده، کمیده ۱۰ کیشی اولیب و ۶۰ کیشی یرهلنگن.
رویترز آژانسینینگ بوگون (۱۳-سرطان/ ۴-جولای، شنبه)، اوکراین رسمیلریدن نقل قیلیب گزارش بیریشیچه، روسیه کوچلری بمب، پهپاد و آغیر قوراللردن فایدهلنیش بیلن سومی، دنیپروپتروفسک و زاپوریژژیا شهرلریدهگی بیر قطار حدودلرنی نشانگه آلگنلر.
سومی شهری مرکزیگه اویوشتیریلگن هجومده، کمیده تورت کیشی اولیب و ۲۷ کیشی یرهلنگن. شونینگدیک بو شهر یقینیگه اویوشتیریلگن اَیری بیر هجومده باشقه بیری کیشی اولگن.
دنیپروپتروفسک ده اوچ کیشی اولیب و ۱۲ کیشی یرهلنگن. شونینگدیک زاپوریژژیا شهریده هم ایکی کیشی اولیب و ۲۱ کیشی یرهلنگن.
شوندهی بیرحالده، اوکراین جمهور باشلیغی ولودیمیر زلنسکی، بو هجومگه عکسالعمل اولهراق مملکتی شریکلریدن مسکو آرقهلی «اوشبو ترورچیلیک» توختهیشی مقصد، روسیهگه قرشی باسیملرنینگ کوپهیتیریشلرینی سورهگن.
روسیه و اوکراین آرهسیدهگی اوروشدن بیش ییل بولماقده و آتیش کیسین برقرار بولیشی اوچون خلقارا سعیوحرکتلر حاضرگچه نتیجه بیرمهگن.
