تورکیه جمهور باشلیغی رجب طیب اردوغاننینگ ایتیشچه، ایران و امریکا آرهسیدهگی کیلیشوونی ضعیفلشتیریش یا-ده اورتهدن کیتگزیش اوچون اسرائیلگه رخصت بیریلمسلیگی کیرهک.
اردوغان، استانبول ده پاکستان باشوزیری شهباز شریف بیلن اوتکزگن قوشمه ییغیلیشیده ایتیشیچه، منطقه مملکتلری اشتراکی بولمسدن منطقه بحرانلری اوچون هیچ ییچیم یول شکللنمهیدی.
او، امریکا و ایران آرهسیدهگی کیلیشوونی بوزیش مقصد اسرائیلنینگ سعیوحرکت قیلیشگه عیبلهب و ایتیشیچه: «بیز اسرائیل دولتینینگ امریکا و ایران آرهسیدهگی کیلیشوونی بوزیشگه قرهتیلگن اورینیشلرینی یقیندن کوزهتیب بارهیپمیز. ینه بیر مرته منطقهنی باروت و قان هیدیگه چومیش توغریسیده، اوروشگه طرفدار بولگن اسرائیلنینگ حاضرگی دولتیگه رخصت بیریلمسلیگی کیرهک.»
شونینگدیک تورکیه جمهور باشلیغی، ینه بیر مرته غزه، لبنان و سوریه گه قرشی اسرائیل هجوملرینی قارهلب و کوپهیتیریشیچه، اسرائیل دولتی منطقهده توقنشوولرنی کوچهیتیرماقچین.
امریکا و ایران شرطنامهسی قطر و پاکستان واسطهچیلیگی بیلن تیارلهنیب و او، ۶۰ کونلیک آتیش کیسین، هرمز بوغوزی آچیلیشی، ایران هستهای دستوری حقیده کیلیشوو و اوروشنینگ دایمی یکونلش مقصد یکونی کیلیشووگه قول تاپیش اوچون وقت جدولینی بیلگیلشدن عبارت دیر.
بونگه علاوه، امریکا و ایران اوتگن هفته بیر-بیریگه قرشی هجوملرنی عملگه آشیرگنلر.
