بیرلشگن ملتلر تشکیلاتینینگ انسانسیورلیک یاردملرنی هماهنگ قیلووچی ادارهسی افغانستان بولیمی (اوچا) گه کوره، تینچاهالی هیچ قچان توقنشوولر قربانیگه اَیلنمسلیگی کیرهک.
مذکور نهاد بوگون (۱۴-سرطان، یکشنبه)، اکس صحیفهسیده، تینچاهالی انسانسیورلیک خلقارا حقوق اساسیده حمایت آستیگه قرار تاپیشی لازم دیب یازگن.
اوچانینگ ایتیشیچه، توقنشوولر اویلر و آستقورمهلرنی بوزیب، حیات کیچیریشنی قیینچیلیک بیلن روپهره قیلهدی همده اهالی اینیقسه بالهلر روحی سلامتلیگیگه آغیر ضررلرنی ییتکزهدی.
بیرلشگن ملتلر تشکیلاتیگه تیگیشلی اوشبو نهاد، ییتی کون آلدین پاکستان کنر، پکتیا و پکتیکا ولایتلرینی هوا هجوملری بیلن نشانگه آلیب و نتیجهده، بالهلر شامل ۳۶ کیشی «شهید» و ۱۶۳ کیشی یرهلنگنی بیرحالده، تینچاهالینینگ سقلهنیشیگه اورغولهگن.
