اسلام امیرلیگی تشقی ایشلر وزیری و بنگلهدیش پارلمان باشلیغی ایکی تامانلمه علاقهلر کوچهیشی اینیقسه تجاری همکارلیکلر کوپهیشی توغریسیده بحث قیلگنلر.
تشقی ایشلر وزیرلیگینینگ بوگون (۱۳-سرطان/ ۴-جولای، شنبه)، بیر بیانیه ترقهتیش بیلن یازیشیچه، تشقی ایشلر وزیری امیرخان متقی ایران پایتختی تهران ده بنگلهدیش پارلمان باشلیغی حافظالدین احمد بیلن اوچرهشگن.
مذکور اوچرهشووده، ایکی تامان افغانستان و بنگلهدیش آرهسیده تجاری و اقتصادی همکارلیکلر کوچهیشی ظرفیتلری حقیده فکر المشتیرگنلر.
اسلام امیرلیگی تشقی ایشلر وزیری امیرخان متقینینگ ایتیشیچه، ایکی تامانلمه علاقهلر کوچهیشی اوچون سیزیلرلی درجهده امکانیت بولیب و اوندن ایکی مملکت اقتصادی رواجلنیشی مقصد فایدهلنیش کیرهک.
شونینگدیک بنگلهدیش پارلمان باشلیغی، ایکی مملکت آرهسیدهگی مناسبتلرنی اوزاق تاریخگه ایگه دیب و افغانستان اقتصادی رواجلنیشی جریانی بیلن بیرگه تجاری همکارلیکلر کوچهیشینی ایکی تامان اوچون مناسب فرصت عنوان قیلگن.
