چین جمهور باشلیغی شی جینپینگ، بوگون (۱۸ جوزا/۸ جون، دوشنبه) ایرتهلب ایکی کونلیک سفر بیلن پیونگ یانگ گه ییتیب باریش بیلن، شمالی کوریا عملدارلری بیلن رسمی اوچرهشوولرنی باشلهگن. اولراق چین تشقی ایشلر وزیرلیگی، تشریف ۸-۹ جون کونلری کوریا خلق دموکراتیک جمهوریتی رهبری کیم جونگ اون تکلیفی گه بناً عملگه آشیریلیشینی بیلدیرگن ایدی.
فلسطین ده طبی منبعلرنینگ اعلام قیلیشیچه، اسرائیل آرقهلی غزهنینگ بیر قطار بولیملریگه اویوشتیریلگن هجوملر نتیجهسیده، کمیده ۱۳ کیشی اولیب و اونلب کیشی یرهلنگن.
اسرائیل اردوسینینگ اعلام قیلیشیچه، ایران توپراغیدن اوشبو مملکت تامان راکتهلر آتیلیب و اولرنینگ اورتهدن کیتگزیش مقصد هوا مدافعه تیزیملری فعال بولگن. اسرائیل رسمیلری، ایراننینگ مذکور هجوملرینی مملکتی خوفسیزلیگیگه قرشی، توغری تهدید دیگن.
اونی کیمدیر اسرائیلنی زمانهوی و قدرتلی دولت گه ایلنتیرگن خلاصکار دیب بیلهدی، باشقهلر ایسه یقین شرقنی قانگه باتیرگن اینگ خوفلی سیاستچی صفتیده کورهدی. خوش، بنیامین نتانیاهو کیم اوزی؟ او قندهی قیلیب عادی حربیدن مملکتنینگ اینگ اوزاق ییللیک رهبریگه ایلندی و او باشلهگن اوروشلر بوگون دنیانی قهیی نقطه گه آلیب کیلدی؟
اروپا بیرلشمهسینینگ خوفسیزلیک و تشقی سیاست مسئولی و اروپا کمیسیونی باشلیغینینگ اورین باسری کایا کالاس، دنیا بوییچه تورلی مملکتلردهگی اوشبو بیرلشمهنینگ نمایدهلیک هیئتلریده کینگ کولملی اوزگریشلر و ینگی ایلچیلریدن قطارینینگ تعیینلنگنیدن خبر بیرگن که بو آرهده، افغانستان ده اروپا بیرلشمهسی نمایندهلیگیده هم تغییر کیلگن.
افغانستانده بیرلشگن ملتلر تشکیلاتی اورینباسرلیک هیئت ادارهسی (یوناما)، خوفسیزلیک کینگشی آرقهلی ایرته (۱۸-جوزا/۸-جون، دوشنبه)، افغانستان وضعیتی حقیده ییغین اوتکزیلیشینی معلوم قیلگن.
اسرائیل اردوسینینگ اعلام قیلیشیچه، اوشبو مملکتنینگ تورت عسکری لبنان ده اویوشتیریلگن پهپادی هجوم نتیجهسیده، اورته شکلده یرهلنگن.
لبناننینگ جنوبی بولیملریگه اسرائیل آرقهلی اویوشتیریلگن هجوملر نتیجهسیده، کمیده ۱۲ کیشی قربان بولگن. الجزیره خبری ترماغی بوگون (۱۷-جوزا/ ۷-جون، یکشنبه)، لبنان جنوبیگه اسرائیلنینگ اویوشتیرگن ینگی هجوملریده، لبنان حربی کوچلری شامل کمیده ۱۲ کیشینینگ قربان بولگنیدن خبر بیرگن.
اوکراین اردوسی، روسیهنینگ سنپترز بورگ شهری و لنینگراد ولایتیگه هجوم قیلدی.
اسلام امیرلیگی عدلیه وزیرلیگینینگ اعلام قیلیشیچه، جوزجان مرکزیده ۱۴ جریبدن آرتیق ییر امارتی ملک صفتیده تثبیت بولگن.
رویترز آژانسینینگ بوگون (۱۶-جوزا/۶-جون، شنبه)، گزارش بیریشیچه، اوکراین ده خرسوننینگ جنوبی حدودلریگه روسیه آرقهلی اویوشتیریلگن هجوملر نتیجهسیده، بیش کیشی اولیب و باشقه ییتی کیشی یرهلنگن.
ایراننینگ اعلام قیلیشیچه، سیریک شهری و قشم جزیرهسیگه اویوشتیریلگن امریکا هجومیگه جواب اولهراق کویت و بحرین تامان ییتی بالستیک راکته آتگن.
روسیه جمهور باشلیغی ولادیمیر پوتین، یوزمه-یوز مذاکرهلر اوچون ولودیمیر زلنسکینینگ تکلیفینی رد قیلیب و ایتیشیچه، حاضر اوکراین جمهور باشلیغی بیلن اوچرهشیش اوچون هیچ بیر سبب کوریلمهیدی.
قاچقینلر قیینچیلیکلرینی حل قیلیش بوییچه عالی کمیسیونینینگ اعلام قیلیشیچه، ایران و پاکستان دن ۳ مینگ ۵۷۴ افغانستانلیک چیقریلگن.
ایران تشقی ایشلر وزیری سیدعباس عراقچینینگ ایتیشیچه، هستهای قورال گه ایگه بولگن دنیانینگ اینگ قدرتلی دولتی برابریده ۴۰ کون دوامیده قرشی توریش قولی بیر ایش بولمهی و «دنیا ایران خلقینینگ حقیقی قدرتینی انگلهگن.»
امریکا واسطهچیلیگی بیلن اسرئیل و لبنان آرهسیدهگی آتیش کیسین ریجهسی، حزبالله تامانیدن رد بولگن. رویترز آژانسینینگ گزارش بیریشیچه، حزبالله رهبری نعیم قاسم، اسرائیل و لبنان اورتهسیدهگی مذاکرهلرنی «شرمندهلیک» دیب و آتیش کیسین بیلن قرشیلیگینی بیلدیرگن.
