روسیهنینگ کیچه، ۷ سرطان/۲۸ جون یکشنبه، عملگه آشیرگن هجوملری عاقبتیده اوکرایننینگ جنوبی-شرقی و شمالی-شرقی حدودلریده کمیده بیش کیشی هلاک بولگن، ینه بیر نیچه کیشی جراحت آلگن.
معلوماتلر گه کوره، اوکرایننینگ ولایت مرکزی زاپروژیا شهریگه قیلینگن ضربهلر عاقبتیده ایکی کیشی هلاک بولگن، ینه ۱۶ کیشی جراحتلنگن. ترقهلگن ویدیولرده یانغین صادر بولگن بنا بوزیلگن و شونینگدیک تورر جایلر ویرانه گه ایلنگن.
روسیه بیلن چیگرهداش خارکوف ولایتیده ایسه زیموف شهریگه راکته ضربهسی بیریلگن. هجوم نتیجهسیده بیر کیشی هلاک بولگن، سکیز کیشی جملهدن ایکی نفر باله جراحت آلگن. شونینگدیک، اوشبو منطقهنینگ شمالی حدودلریده یشش جایلردن تینچ اهالینی تشیش پیتیده بیر پولیس هلاک بولگنی معلوم قیلینگن.
قید ایتیلیشیچه، سومی ولایتیده هم چیگره گه یقین حدود ده صادر ایتیلگن هجوم عاقبتیده کیکسه عیال هلاک بولگن.
معلومات اوچون، روسیه هم، اوکراین هم تورت ییلدن آرتیق دوام ایتهیاتگن ماجرا دوامیده تینچ اهالینی ایتهیلب نشانگه آلمهگنینی تأکیدلب کیلهدی.
