بیرلشگن ملتلر تشکیلاتی نینگ باله‌لر خلق‌ارا صندوقی یا یونیسف نینگ ایتیشیچه، امنیتی کوچلر و طالبان گروهی آره‌سیده‌گی قانلی زوروانلیکلر جریانیده یالغیز اوتگن اوچ کونده ۲۷ باله هلاک ایتیلگن.
مذکور نهاد اوتگن کون بیر بیانیه ترقه‌تیش بیلن، باله‌لرگه قرشی زوروانلیکلر کوپه‌یب و باله‌لر تلفاتی کوپه‌یشی توغریسیده آگاه‌لنتیرگن.
یونیسف نینگ بیانیه‌سیده کیلیشیچه، باشقه ۱۳۶ باله قندهار، پکتیا و خوست ولایت‌لریده‌گی آتیشمه‌لر جریانیده یره‌لنگن.
بیزلرنینگ فیسبوک صحیفه‌میزگه باش اورینگ!
یونیسف نینگ گزارشی اساسیده، باله‌لر یول چیککه‌سیده ییرلشتیریلگن ماین‌لرگه جان بیریش گه علاوه، اوروش تامان‌لری آره‌سیده‌گی آتیشمه‌لر جریانیده هلاک و یا هم تن جراحتی کوتاره‌دی.
یونیسف دفتری دن سامانتا مورت نینگ ایتیشیچه، «کوپ وقتدن بویان افغانستان باله‌لر اوچون دنیا نینگ اینگ یمان منطقه‌لریدن بیری بولگن، بیراق بو سونگی نیچه هفته‌ده و حاضر هم کوپ یمان بولماقده.»
یونیسف اوروش نینگ ایکی تامانیدن هم اوروش جریانیده باله‌لرنینگ جانی و خوفسیزلیگیدن ایشانچ قولگه کیلتیریش‌لرینی سوره‌گن.
