تورکیه و پاکستان دیپلماتیک و اقتصادی علاقهلرنی آشیریش بیلن، ایکی تامانلمه همکارلیکنی کینگهیتیریش گه سعی-حرکت قیلماقده.
تورکیه آنادولو ییتکرمهسیگه کوره، مذکور ایکی مملکت ایران و امریکا اورتهسیده صلح کیلیشووی امضالنیشی اوچون ایجابی واسطهچیلیک رولینی اوینهگن، بیراق بو مرته دیپلماتیک و اقتصادی علاقهلرنی آشیریش بیلن، ایکی تامانلمه همکارلیکنی کینگهیتیریش و مستحکملشگه حرکت قیلماقده.
معلوماتلر اساسیده، پاکستان باش وزیری شهباز شریف، اوشبو مناسبت بیلن ۲-۴ جولای کونلری ایریم وزیرلر و اقتصادی فعاللر باشچیلیگیده تورکیه گه بولهدی.
شهباز شریفنینگ سفری، تورکیه جمهور باشلیغی رجب طیب اردوغاننینگ رسمی تکلیفی گه بناً عملگه آشیریلهدی. سفر دوامیده ایکی تامانلمه اوچرهشوولر همده «تورکیه و پاکستان سودا فورمی» اوتکزیلهدی. اوشبو فورمده تورکیه و پاکستانده سرمایه کیریتیش، سودا امکانیتلری تیکشیریلیشی کوتیلهدی.
بو ایکی مملکت سونگی ییللرده سودا، اقتصادیات، مدافعه صناعتی و انرژی ساحهلریده همکارلیکلرینی کینگهیتیرگن بیرگن حالده، اقتصادی علاقهلرنی مستحکملشگه سعی-حرکت قیلماقده.
اردوغان اوتگن ییلی آسیا جنوبی گه قیلگن سفری دایرهسیده پاکستان گه هم باریب مدافعه، انرژی، ایکینچیلیک، سودا، صناعت ساحهلریده ۲۴ ته شرطنامه امضالهگن ایدی.
