اسلام امیرلیگی ایکینچیلیک، سووغاریش و چاروهچیلیک وزیری عطاءالله عمری، افغانستان ده بیرلشگن ملتلر تشکیلاتینینگ ترقیاتی دستوری وکیلی استیفن رودریگز بیلن اوچرهشیب و صحبت قیلگن.
ایکینچیلیک، سووغاریش و چاروهچیلیک وزیرلیگینینگ بوگون (۹-سرطان، سهشنبه)، اکس صحیفهسیده یازیشیچه، عمری و رودریگز ایکینچیلیک، سووغاریش و افغانستان یشاوچیلرینینگ تیریکچیلیک وضعیتی رواجلنیشی بولیمیده همکارلیکلر کوچهیشی حقیده صحبت قیلگن.
اوشبو وزیرلیککه کوره، افغانستان ده آستقورمه لایحهلر عملگه آشیریلیشی مذکور اوچرهشووده بیان بولگن باشقه موضوعلردن دیر.
ایکینچیلیک بولیمی، افغانستاننینگ اینگ مهم اقتصادی منبعلریدن بولیب، اوشبو مملکت یشاوچیلریدن قریب ۸۰ فایزی بو سکتورده ایشلش بیلن عایلهلرینینگ نیازلرینی تامین قیلهدیلر.
