امریکا و ایران جمهور باشلیقلری، آتیش کیسین اوزهیتیریلیشی همده تینچلیک مذاکرهلری باشلنیشی اوچون ۱۴ بندلی وقتینچهلیک بیر کیلیشوونی امضا قیلگنلر.
رویترز آژانسینینگ بوگون (۲۸-جوزا/۱۸-جون، پنجشنبه)، گزارش بیریشیچه، اوشبو کیلیشوو توقنشوولر توختهتیلیشی، هرمز بوغوزی آچیلیشی، اقتصادی چیکلاولر کمهیشی و ایراننینگ قیته تیکلنیشی اوچون ۳۰۰ میلیارد دالرلیک صندیق تشکیل ایتیلیشیدن عبارت دیر.
بو بیلن بیرگه، امریکا جمهور باشلیغی دونالد ترامپنینگ آگاهلنتیریشیچه، ایران آرقهلی سوزلر بوزیلگنی صورتده، امریکانینگ حربی هجوملری قیته باشلنهدی.
مذکور ایکی مملکت آرقهلی ترقهتیلگن کیلیشوو متنی اساسیده، آتیش کیسین ۶۰ کونگچه اوزهیتیریلیب و ایکی تامان لبنان شامل تورلی جبههلرده برچه حربی عملیاتگه چیک قوویش توغریسیده متعهد بولگنلر.
شونینگدیک ایران هرمز بوغوزیده دینگیز قتناوینی تولیق تیکلش همده باییتیلگن اورانیوم ذخیرهلرینی خلقارا اتوم انرژیسی آژانسی نظارتی آستیگه سوویولتیریشگه کیلیشگن.
شونینگدیک امریکا، تحریملرینینگ بیر بولیمینی بیکار قیلیش، ایراننینگ موزلنگن سرمایهلرینینگ آزاد قیلیش و ۳۰۰ میلیارد دالرلیک صندیق دایرهسیده ایراننی قیته تیکلشده شرکت قیلیشگه سوز بیرگن.
ایران رسمیلرینینگ اعلام قیلیشیچه، اوشبو کیلیشوو چهارشنبه کونیدن عملگه آشیریلگن. ایراننینگ ییریک مذاکره قیلووچیسی محمدباقر قالیباف، مذکور کیلیشوونینگ تهران اوچون بویوک بیر یوتوق دیر و ایتیشیچه، ایران مذاکره آرقهلی حربی مقصدلردن کوپراق نتیجهلرگه قول تاپگن.
امریکا و ایران آرهسیدهگی کیسکینلیکلر ۲۰۲۶-ییل فبروری آییده و ایران گه قرشی امریکا و اسرائیلنینگ قوشمه حربی عملیاتی باشلنگنیدن کیین، ینگی بیر باسقیچگه کیردی. اوشبو توقنشوولر تیز بیر شکلده منطقهگه کینگهیب و ایران گه علاوه، شونینگدیک لبناننی هم قمرهب آلدی.
