اسلام امیرلیگی تشقی ایشلر وزیری امیرخان متقی، ایران تشقی ایشلر وزیرلیگینینگ قنسولی ایشلری بوییچه اورینباسری وحید جلالزاده بیلن اوچرهشیب و صحبت قیلگن.
اسلام امیرلیگی تشقی ایشلر وزیرلیگینینگ بوگون (۲۲-سرطان، دوشنبه)، بیر بیانیه آرقهلی اکس صحیفهسیده یازیشیچه، متقی و جلالزاده ایکی تامانلمه علاقهلر، یشاوچیلرگه قنسولی خذمتلر یخشیلنیشی و چیگره همکارلیکلرگه تیگیشلی موضوعلر حقیده صحبت قیلگنلر.
بیانیه اساسیده، اسلام امیرلیگی تشقی ایشلر وزیری، یشاوچیلرگه قنسولی خذمتلرنینگ قولیراق، تیزراق و قبول بولینگن ستندردلرگه ماس شکلده کورسهتیلیشی کیرهک دیگن.
شونینگدیک ایران تشقی ایشلر وزیرلیگی اورینباسری، اسلام امیرلیگی بیلن آلیب باریلهیاتگن مذاکرهلر ایکی مملکت یشاوچیلری اوچون قنسولی مسئلهلرنی ینهده یخشیراق ترتیبگه سالیش و بو توغریدهگی قولیلیکلرنی کینگهیتیریشگه زمینه یرهتیشیگه امید بیلدیرگن.
جلالزاده، بوگون توشدن آلدین ایران و افغانستاننینگ قنسولی قوشمه کمیسیون بوییچه بیشینچی ییغیلیشی اوتکزیلیشی اوچون کابل کیلدی.
