فلسطین ساغلیقنی سقلش وزیرلیگینینگ اعلام قیلیشیچه، ۲۰۲۵-ییل اکتبر آییده امریکا واسطهچیلیگی بیلن آتیش کیسین برقرار بولگنیدن بویان، اسرائیلنینگ اویوشتیرگن هجوملری عاقبتیده نوار غزه ده بیر مینگ ۷۰۰ کیشی قربان بولگن.
الجزیره خبری ترماغینینگ بوگون (۳۰-جوزا/ ۲۰-جون، شنبه)، گزارش بیریشیچه، اوشبو مدتده اسرائیل هجوملریده باشقه اوچ مینگ ۱۶۵ دن آرتیق فلسطینلیک یرهلنگن.
بو بیلن بیرگه، بیرلشگن ملتلر تشکیلاتینینگ بالهلرنی قوللب-قوتلش صندیغی (یونیسف)، آتیش کیسین اعلام بولگنیدن بیری اسرائیل هجوملری نتیجهسیده، اورتهچه هر کونی بیرته فلسطینلیک بالهنینگ قربان بولیشینی معلوم قیلگن.
مذکور نهادنینگ کوپهیتیریشیچه، ۲۰۲۵-ییل اکتبر آییدن حاضرگچه ۲۶۵ فلسطینلیک باله اولیب و ۴۰۰ دن آرتیق باله یرهلنگن.
شوندهی بیرحالده، اسرائیل نوار غزهنینگ کوپینچه بولیمی نظارتینی قولگه آلیب و حاضر بو منطقهنینگ ۶۴ فایزی نظارتی آستیده دیر.
اسرائیل و حماس آرهسیدهگی آتیش کیسین امریکا واسطهچیلیگی بیلن ۲۰۲۵-ییل اکتبرده اعلام بولدی. اوشبو کیلیشوو عملگه آشیریلگنی بیلن غزه ده حربی هجوملر دوام قیلیب و خلقارا تشکیلاتلر نیچه مرته محاصره بولگن مذکور منطقهده انسانی وضعیتنینگ یامان بولگنیگه نسبت آگاهلنتیرگنلر.
