قزافستان اقتصاد وزیری و باشوزیری اورینباسری، اسلام امیرلیگی باش وزیرینینگ اقتصادی اورینباسری بیلن اوچرهشگنیده اعلام قیلیشیچه، مملکتی کابل ده قزاقستانلیک دارولر ساتیلیش بولیمی و سودا اتاقینینگ آچیشی ممکن.
اسلام امیرلیگی باش وزیرینینگ اقتصادی اورینباسری عبدالغنی برادر، بوگون قزاقستان اقتصاد وزیری و باشوزیری اورینباسری سریک ژومانگارین بیلن ارگنینگ چهارچنار سراییده اوچرهشیب و ایکی مملکت آرهسیده اقتصادی همکارلیکلر کوچهیشی حقیده صحبت قیلگن.
اسلام امیرلیگی سوزلاوچیسی اورینباسری حمدالله فطرتنینگ بیر بیانیه آرقهلی اعلام قیلیشیچه، قزاقستان کابل ده دارو ساتیلیش بولیمی و سودا اتاقینی آچیشگه علاوه، هرات گه صادراتی اون انتقال تاپیشی بوییچه ترانسپورتی قولیلیک یرهتیشیگه تیار دیر.
شونینگدیک ژومانگارین، ایکی تامانلمه تجارت آشیشی مقصد کانلر قازیب چیقریلیشی، کیمیایی کود تولید بولیشی، تیمیر یول رواجلنیشی و افغانستان صادراتی توارلریگه سالیق کمهیشی بولیملریده، قزاقستاننینگ همکارلیککه تیارلیگینی معلوم قیلگن.
قزاقستان اقتصاد وزیری و باشوزیری اورینباسری سریک ژومانگارین، بوگون کابل گه کیلیب و افغان-قزاق تجاری فورمینی آچیشگه علاوه اسلام امیرلیگی رسمیلریدن قطاری بیلن هم اوچرهشگن.
