ییتی گروهگه اعضا مملکتلر رهبرلری، اوکراین جملهدن اوشبو مملکت توپراغینی قوللب-قوتلشلرینی معلوم قیلگنلر.
ییتی گروه رهبرلری، بوگون (۲۷-جوزا/ ۱۷-جون، چهارشنبه)، بیر بیانیه آرقهلی، اوکرایندن حمایت قیلیش اوچون روسیهنینگ اوروش اقتصادیگه باسیم کوپهیشی توغریسیده کیلیشگنلرینی یازگن.
بیانیهنینگ بیر بولیمیده کیلیشیچه: «روسیهگه قرشی اینیقسه نفت و گاز بولیملریده تحریملریمیزنی کوچهیتیریشیمیز ممکن.»
ییتی گروه رهبرلری، ییللیک ییغینلریده فرانسهنینگ اویان-له-بن شهری گه ییغیلیب و امریکا بیلن ایران آرهسیدهگی دستلبکی کیلیشوو، اوکراین اوروشی و دنیا اقتصادی قیینچیلیکلری حقیده صحبت قیلگنلر.
مذکور ییغین دایرهسیده امریکا جمهور باشلیغی دونالد ترامپنینگ اورته شرق رهبرلری بیلن اوچرهشیب و اوکراین جمهور باشلیغی ولودیمیر زلنسکی بیلن بیر ایش ییغینی گه شرکت قیلیشی کوتیلهدی.
