اسلام امیرلیگی تشقی ایشلر وزیری امیرخان متقی، کابلده قطر ایلچیسی مردف القاشوطی بیلن اوچرهشدی. تشقی ایشلر وزیرلیگی، بوگون (۹ سرطان/۳۰ جون، سهشنبه) ایکس اجتماعی ترماغیده بیر بیانیه ترقهتیب، متقی و القاشوطی افغانستان و قطر اورتهسیدهگی ایکی تامانلمه علاقهلرنی کینگهیتیریش همده منطقهدهگی بعضی مسئلهلر حقیده بحث ایتگنینی بیلدیردی.
کابل ده گوزل صناعتلر انستیتوتی آرقهلی ایکی کونلیک قول صناعتی و هنری اثرلر کورگزمهسی آچیلگن. اوشبو کورگزمه تشکیلاتچیلریدن معراجالدین عطایی، بو کورگزمه اوتکزیلگنیدن مقصد اوقووچیلر و طلبهلرنینگ صناعتی امکانیتلرینی تانیشتیریش همده هنر رواجلنیشی عنوان قیلگن.
ونزویلا رسمیلرینینگ اعلام قیلیشیچه، حاضرگچه یوز بیرگن سونگی زلزلهلرده بیر مینگ ۷۱۹ کیشی اولیب و ۵ مینگ ۳۴ کیشی یرهلنگن.
میلادی ۲۰۲۶-ییل جهان کپی حذفی باسقیچی اویینلری دوام ایتماقده ایکن، بعضی جماعهلر اوز رقیبلریگه غلبه قازانیب و ۱/۸ باسقیچیگه یول تاپدیلر.
اوکراین رسمیلرینینگ اعلام قیلیشیچه، روسیه آرقهلی اوشبو مملکتنینگ اوچته شهریگه اویوشتیریلگن هجوملر نتیجهسیده، کمیده ۱۰ کیشی اولیب و اونلب کیشی یرهلنگن.
اسلام امیرلیگی ایکینچیلیک، سووغاریش و چاروهچیلیک وزیری عطاءالله عمری، افغانستان ده بیرلشگن ملتلر تشکیلاتینینگ ترقیاتی دستوری وکیلی استیفن رودریگز بیلن اوچرهشیب و صحبت قیلگن.
بیرلشگن ملتلر تشکیلاتینینگ بالهلرنی قوللب-قوتلش صندیغی (یونیسف)، افغانستان گه پاکستاننینگ اویوشتیرگن هجوملری نتیجهسیده بالهلر اولیب و یرهلنگنیدن خواطر بیلدیریب، تامانلردن انسانسیورلیک خلقارا حقوق معیارلریگه عمل قیلیش و هر شرایطده بالهلرنی حمایه قیلیشگه چقیرگن.
بغلان ولایتی یخشی حاصل بیرهدیگن ییرلر همده یشاوچیلریدن کوپ قطارینینگ ایکینچیلیک و چاروهچیلیک بیلن شغللنگنی سبب، مملکتنینگ اینگ مهم زراعتی محصوللری مرکزلریدن بیری حسابلنهدی. سونگی ییللرده اقلیم اوزگریشلری، موسومی ترتیبسیز یاغینگرچیلیکلر و سوو تاشقینلر یوز بیریشی، اوشبو ولایتدهگی مینگلرچه دهقاننی کوپینچه قیینچیلیکلر بیلن روپهره قیلگن.
اسلام امیرلیگی عدلیه وزیرلیگی، جوزجان ولایتیده ۳۶۷ مینگ ۵۷۳ جریب ییر «ییلاو» صفتیده قید ایتیلگنینی بیلدیردی. اوشبو وزیرلیک، بوگون (۸ سرطان/۲۹ جون، دوشنبه) ایکس صحیفهسیده، بو ییرلر ولایت مرکزی شبرغان شهری همده خواجه دوکوه، خانقاه، قوشتیپه، آقچه، فیضآباد و درزاب تومنلریده بولیب و ییرلرنی غصب قیلیشنینگ آلدینی آلیش کمیسیونی تامانیدن «ییلاو» صفتیده قید ایتیلگن.
ایران و امریکا خلیج فارسده توقنشوولر توختهتیلیشی و هرمز بوغوزی بوییچه کیلیشماوچیلیکلر توغریسیدهگی مذاکرهلرنینگ قیته باشلنیشیگه کیلیشگنلر.
اوزبیکستان جمهور باشلیغی شوکت میرضیایف، تورکمن خلقینینگ ملی ییتکچیسی، تورکمنستان خلق مصلحتی باشلیغی قربانقلی بیردیمحمدوف بیلن تلفونی سوزلشدی.
قوتقروو عملیاتی دوام ایتماقده ایکن، ونزویلا ده یوز بیرگن اولیملی زلزلهلر قربانلری سانی قریب ۱۵۰۰ کیشیگه ییتیشگن. خلقارا ییتکرمهلرنینگ بوگون (۸-سرطان/ ۲۹-جون، دوشنبه)، گزارش بیریشیچه، اینگ کوپ ضرر لا گوایرا ایالتیده قید ایتیلگن؛ بو ونزویلا پایتختی یقینیدهگی قیرغاق حدودی بولیب، کوچلی زلزلهلردن جدی زیان کورگن.
پاکستان حربی کوچلرینینگ ینگیلیکده افغانستان اوچ ولایتیگه اویوشتیرگن هجوملری عاقبتیده چمهسی ۳۶ کیشی عیاللر و بالهلر شامل «شهید» بولگن. اسلام امیرلیگی سوزلاوچیسینینگ اورین باسری حمدالله فطرت، بوگون (۸ سرطان/۲۹ جون، دوشنبه) ایکس اجتماعی ترماغیده، پاکستاننینگ کنر، پکتیا و پکتیکا ولایتلریگه اویوشتیرگن هجوملری عاقبتیده ۱۶۳ تینچ اهالی جراحت آلگنینی معلوم قیلگن.
سعودی عربستان فوتبال فدراسیونی باشلیغی، اوشبو مملکت فوتبال ملی تیرمه جماعهسی ۲۰۲۶ ییل دنیا کپی گروهی اویینلریدن چیقه آلمهگنیدن سونگ استعفا گه چیقدی.
افغانستان سابق جمهور باشلیغی حامد کرزی، پاکستان هجوملرینی بو مملکت ملی حاکمیتینینگ بوزیلیشی همده خلقارا معیارلرگه قرشی حرکت دیگن.
روسیهنینگ کیچه، ۷ سرطان/۲۸ جون یکشنبه، عملگه آشیرگن هجوملری عاقبتیده اوکرایننینگ جنوبی-شرقی و شمالی-شرقی حدودلریده کمیده بیش کیشی هلاک بولگن، ینه بیر نیچه کیشی جراحت آلگن.
