بیرلشگن ملتلر تشکیلاتی خوفسیزلیک کینگشی اوشبو تشکیلات باش کاتبی و اعضالری نینگ حضوری بیلن اېرته ۲۶-فبروری» ییغیلیش اۉتکزیشی کوتیله‌دی.
بیرلشگن ملتلر تشکیلاتی‌ده افغانستان نینگ دایمی نماینده‌لیک سرپرستی نصیراحمد فایق نینگ سلام‌وطندار گه ایتیشیچه، خصوصی اوشبو ییغیلیش‌ده بیرلشگن ملتلر تشکیلاتی نینگ باش کاتبی افغانستان اوچون مخصوص وکیل تعیینلنیشی و دوحه سۉنگی ییغیلیشی حقیده معلومات کیریتیشی ممکن.
فایق نینگ ایتیشیچه: «بو ییغیلیش‌ده خوفسیزلیک کینگشی اعضالری و بیرلشگن ملتلر تشکیلاتی عمومی کاتبی اشتراک قیلیشی کوتیله‌دی. اوشبو ییغیلیش‌ده عمومی منشی ۲۷۲۱ قطع‌نامه‌سی اساسیده مخصوص وکیل تعیینلنیشی و دوحه سۉنگی ییغیلیشی گه دایر گزارش‌نی خوفسیزلیک کینگشی بیلن شریک قیلیشی ممکن.»
بیزلرنینگ فیسبوک صحیفه‌میزگه باش اورینگ!
عین‌حالده، بیرلشگن ملتلر تشکیلاتی خوفسیزلیک کینگشی سۉنگی ایکّی ییل ده نیچه مراتبه افغانستان وضعیتی گه دایر ییغیلیش اۉتکزگن و مذکور کینگش نینگ سۉنگی ییغیلیشی ده ۲۷۲۱ قطع‌نامه‌سی تصدیقلندی اونگه اساس افغانستان اوچون بیرلشگن ملتلر تشکیلاتی باش کاتبی تامانیدن مخصوص وکیل اېتیب تعیینلنه‌دی.»
مخصوص وکیل تعیینلنیشی مملکت‌لر اېنیقسه بیرلشگن ملتلر تشکیلاتی خوفسیزلیک کینگشی نینگ دایمی اعضاسی قرشی‌لیگی طفیلی حاضرگچه عملی بولمه‌گن و دوحه‌ده بیرلشگن ملتلر تشکیلاتی نینگ سۉنگی ییغیلیشی بوتوغریده بیر قرار گه کیلمسدن یکونلندی.
سیاسی ایش بیلرمان عبدالجبار اکبری نینگ ایتیشیچه، بیرلشگن ملتلر تشکیلاتی خوفسیزلیک کینگشی سۉنگی ییل‌لرده اۉتکزگن ییغیلیش‌لری‌ده افغانستان وضعیتی گه دایر تشکیلات اعضالری آره‌سیده بیر شورا بیر اجماع شکللنتیریش گه اۉلگوره آلمه‌گن.
بیزلرنینگ «ایکس» ترماغی ده هم تعقیب قیلینگ!
سیاسی ایش بیلرمان عبدالجبار اکبری گه کوره: «بو ییغیلیش اونیملی بولیب و افغانستان‌ده‌گی وضعیت نی اۉزگرتیره‌دیگن قرار آلیش‌لری گه ایشانمه‌ی من چونکه ییغیلیش اۉتکزیلسه آجنداسی و غایه‌سی بیللی بولیشی کېره‌ک، بیراق بیرلشگن ملتلر تشکیلاتی بیر قنچه ییغیلیش‌لرینی یاشیرینچ و افغانستان وکیلی نینگ حضورسیزلیگی بیلن اۉتکزگن.»
ایتیش کېره‌ک، اۉتگن هفته ۳-حوت، پنج‌شنبه کونی، سرپرست حکومت سوزلاوچیسی ذبیح‌الله مجاهد سلام‌وطندار بیلن اۉتکزگن صحبتیده، اسلام امیرلیگی وکیلی نینگ حضورسیزلیگی بیلن بو کبی ییغیلیش‌لر اۉتکزیلیشی نتیجه بیرمسلیگینی ایتگن اېدی.
