آمریکا تشقی ایشلر وزیری آنتونی بلینکن نینگ ایتیشیچه، روسیه ییگولیک ماده‌لرنی گروگه آلیش بیلن، اوکراین و دنیا خلقی برابری ده قورال اوله‌راق فایده‌لنیشگه عیبله‌یدی و روسیه بو عیبلاولرنی رد قیله‌دی.
آمریکا تشقی ایشلر وزیری آنتونی بلینکن اوتگن کونی (پنج‌شنبه، ۲۹ ثور)، بیرلشگن ملت‌لر تشکیلاتی نینگ امنیت کینگشی ییغینیده نطق سوزلب ایتیشیچه: «روسیه دولتی ییگولیک ماده‌لردن قورال اوله‌راق فایده‌لنیش بیلن مؤفق بولیشنی اویله‌یدی که اوکراین گه حربی باستیریب کیریشی گه مؤفق بوله آلمه‌دی؛ یعنی روسیه اوکراین خلقی نینگ روحیه‌سینی ضعیف قیلیش اوچون تلاش قیلماقده.»
بیزلرنینگ فیسبوک صحیفه‌میزگه باش اورینگ!
رویترز آژانسی نینگ معلوماتی اساسیده، جناب بلینکن روسیه دولتی دن، اوکراین بندرلرینی محاصره قیلیش حرکتی گه چیک قوییشنی طلب قیلگن.
بلینکن نینک کوپه‌یتیریشیچه: «ییگولیک ماده‌لردن قورال اوله‌راق فایده‌لنیش، یالغیزو یالغیز روسیه گه تیگیشلی دیر.»
روسیه دولتی بیر رسمی‌سی بلینکن نینگ اوشبو بیاناتی گه واکنش کورسه‌تیب بو عیبلاولرنی رد قیلیب ایتیشیچه، مذکور مملکت رسمی‌لری «احمق» ایمس‌لر که روسیه خلق‌ارا کینگ تحریم‌لر آستیده ایکن، باشقه مملکت‌لر گه ییگولیک ماده‌لرنی صادر قیلسه‌لر.
روسیه سابق جمهوررئیسی دمیتری مدودف، تلگرامی ده یازیشیچه، روس‌لر مناسب شرایط ده، دنیا نینگ نیازلری خصوصیده ییگولیک ماده‌لرنی تولید قیلیش ده مهارتلی دیر.
بیزلرنینگ توییترده هم تعقیب قیلینگ!
روسیه خوفسیزلیک کینگش اورین باسری نینگ ایتیشیچه: «همه نرسه منطق‌سیز کوریله‌دی. بیر تاماندن تحریم‌لر عملگه آشیریلماقده و باشقه تاماندن، ییگولیک ماده‌لرنی تأمین قیلیش اوچون تقاضا بوله‌دی.»
عین‌حالده، روسیه نینگ بیرلشگن ملت‌لر تشکیلاتیده‌گی ایلچیسی واسیلی نبنزیا، روسیه‌نی دنیا نینگ ییگولیک ماده‌لر بحرانی عاملی بیلیش عیبلاولرنی «بوتونلی ناتوغری» دیب و رد قیلگن.
