بیرلشگن ملت‌لر تشکیلاتی بوگون اوکراین آواره‌لری ینگی رقمینی ترقه‌تیب ایتیشیچه، حاضرگچه اوشبو مملکت نینگ ۱ میلیون‌دن آرتیق اهالیسی آواره بولگن‌لر. مذکور تشکیلات نینگ کوپه‌یتیریشیچه، اوکراین‌لیک باشقه میلیون‌لرچه کیشی اوشبو آواره‌لر گه قوشیلیشلری ممکن.
بیرلشگن ملت‌لر تشکیلاتی، اوکراین‌ده اوروش دوام ایتگن تقدیرده، باشقه ۴ میلیون فقرا اوکراین‌دن چیقیش‌لری ممکن دیب آگاه لنتیرگن. اوشبو تشکیلات گه کوره، روسیه نینگ اوکراین گه حربی یوریشی آست قورمه‌لر بوزیلیشی و تینچ اهالی تلفاتی گه سبب بولیب و مردم‌نی اوی-جای‌لرینی ترک ایتیش گه مجبور قیلگن.
بیزلرنینگ فیسبوک صحیفه‌میزگه باش اورینگ!
بیرلشگن ملت‌لر تشکیلاتی گه کوره، روسیه نینگ اوکراین گه باستیریب کیریش بیرینچی هفته‌سیده، بیر میلیون‌دن آرتیق اوکراین‌لیک قوشنی مملکت‌لر گه آواره بولگن و باشقه بیر قطاری حاضر اوکراین‌نی ترک ایتماقده‌لر. بیرلشگن ملت‌لر تشکیلاتی نینگ تأکیدلشیچه، آواره‌لر سانی کونسه‌یین کوپه‌یماقده و اولر نینگ یاردم گه احتیاجی بارلیگی سیزیله‌دی.
بیزلرنینگ توییترده هم تعقیب قیلینگ!
بو عین‌حالده، روسیه اوکراین نینگ بویوک شهرلری تامان آلغه بارماقده و باشقه تاماندن اوکراین خلقی روسیه گه قرشی حربی مقاومت گه دوام بیرماقده‌لر.
