آمریکا بیرلشمه ایالت جمهوررئیسی جوبایدن نینگ بویروغی گه قرشی عکسالعمللر دوامیده، آزادی و تینچ‌لیک بوییچه عیاللر موسسه‌سی بوگون خبری بیر ییغین یولگه قوییب، مذکور بویروغ نی ناعادلانه دیب و آمریکا تامانیدن افغانستان‌ده سونگی ۲۰ ییل اوروش‌لری نینگ غرامتی توللنیشی نی سوره‌گن.
بایدن نینگ نیچه کون آلدین امضا قیلگن فرمانی اساسیده، افغانستان نینگ سرمایه‌لریدن بیر قسمی۱۱-سپتامبر هجوملری عاقبتیده، قربان بولگنلر نینگ عایله‌لری گه تاوان صفتیده توللنیش اوچون اختصاص بیریله‌دی.
بیزلرنینگ فیسبوک صحیفه‌میزگه باش اورینگ!
آزادی و تینچ‌لیک بوییچه عیاللر موسسه اورین باسری تورپیکی مومند نینگ ایتیشیچه، افغانستان پولی ذخیره‌لری اوشبو مملکت نینگ پولی حمایتی دیر. اونگه کوره، بایدن نینگ مذکور قراری افغانستان نی بویوک بیر فاجعه بیلن روپه‌رو قیلیشی ممکن.
دین عالمی و مذکور موسسه اعضالریدن بیری ستاره مغبت، بایدن نینگ قراری نی افغانستان حقیده بیللی بیر ظلم دیگن. او، بایدن نینگ اوشبو ایشی نی خلق‌ارا رابطه‌لر اصولی گه قرشی دیب و بیرلشگن‌ملت‌لر و انسانی حقوقی‌دن افغانستان پولی ذخیره‌لری نی آزاد قیلینیشی و غرامت صفتیده آلینیشی خصوصیده اقدام قیلیشلری نی سوره‌گن.
بیزلرنینگ توییترده هم تعقیب قیلینگ!
شونده‌ی بیرحالده، جوبایدن نینگ فرمانی گه قرشی عکسالعمللر دوامیده، آق‌سرای نینگ اعلام قیلیشیچه، آمریکا بیرلشمه ایالتی محکمه‌سی نینگ حکمی بولمه‌گن صورت‌ده، افغانستان مرکزی بانکی نینگ هیچ بیر سرمایه‌سی ۱۱-سپتامبر هجوملری عاقبتیده، قربان بولگنلر نینگ عایله‌لریگه توللنمه‌یدی.
آق سرای سوزلاوچیسی جن ساکی، خبری بیر ییغین‌ده خبرچیلر نینگ سوراق‌لری گه جواب بیریب ایتیشیچه، افغانستان مرکزی بانکی نینگ سرمایه‌لری حقیده‌گی آمریکا جمهوررئیسی جوبایدن نینگ بویروغی، «پروسه نینگ بیر آدیمی دیر» و بو زمینه‌ده محکمه نینگ حکمی صادر بولگونگه قدر، هیچ پول نینگ انتقال تاپمه‌یشی ممکن.
