اوتگن کون آمریکا جمهوررئیسی جو بایدن افغانستان پولی ذخیره‌لریدن ۷ میلیارد دالری نینگ آزاد بولیشی خصوصیده‌گی فرمان نی امضا قیلدی. مذکور بویروغ اساسیده، ۳.۵ میلیارد دالر افغانستان‌ده انسانی فاجعه و انسان‌دوستلیک یاردم‌لر نی حل قیلیش اوچون و باشقه ۳.۵ میلیاردی دالری ایسه آمریکا‌ده ۱۱_سپتامبر هجومی عاقبتیده قربان بولگنلر نینگ اقاربلری گه غرامت توللش اوچون نظر گه آلینگن.
آمریکا جمهوررئیسی جو بایدن نینگ ۱۱_سپتامبر هجومیده قربان بولگنلر نینگ قضایی دوسیه‌لری نی تامین‌لش اوچون افغانستان یشاوچیلری نینگ پوللری نی اختصاص بیریلگنی اساسیده‌گی قراری، کوپینچه عکس العمللری بیلن روپه‌رو بولگن.
بیزلرنینگ توییترده هم تعقیب قیلینگ!
بیرینچی‌ده اسلامی امارت بو بویروغ نینگ صادر بولگنیدن انتقاد قیلیب و اونینگ غیر انسانی بیر قرار دیگن. قطرده اسلامی امارت سیاسی دفتر سوزلاوچیسی محمد نعیم نینگ توییتر صحیفه‌سیده یازیشیچه: «آمریکا تامانیدن افغان ملتی نینگ باغلگن پوللری نی اوغیرلماق و اونینگ تصرف قیلماق، بیر مملکت نینگ انسانی و اخلاقی سطح نینگ اینگ آستده قرار تاپگنی نی کورسته‌دی.»
شونینگدیک انسان حقوقی کوزه‌تووچیسی بیر اعلامیه ترقه‌تیب ایتیشیچه، اوشبو قرار افغانستان اوچون قیین‌چیلیک چیقاریشی ممکن. مذکور نهاد نینگ اورغولشیچه، موزلنگن پوللر افغانلر گه تیگیشلی دیر و افغانستان یشاوچیلری گه اختصاص بیریلیشی کیره‌ک.
شونده‌ی بیرحالده، سیاسی مسله‌لر بیرلرمان‌لری نینگ ایتیش‌لریچه، جناب بایدن بو فرمان نینگ صادر قیلیش گه صلاحیتی یوق، و شونینگدیک بو قرار خلق ارا رابطه‌لرگه قرشی دیر. سیاسی ایش بیلرمان‌لر نینگ ایشانچلری گه کوره، آمریکا‌ده ۱۱_ سپتامبر هجومی عاقبتیده قربان بولگنلری نینگ اقاربلری گه غرامت توللش، افغانستان یشاوچیلری نینگ اقتصادی قیین‌چیلیک بیلن قرار بیریشی ممکن.
سیاسی ایش بیلرمان‌لردن بیری عبدالجبار اکبری نینگ بوتوغریده ایتیشیچه: «بو بیر سیاسی بهانه دیر. منی فکرمچه بو غرامت نی آمریکا قوشمه ایالتی یا_ده سعودی عربستان نینگ اقتصادی استراتژیکی گه شریک بولگنلردن آلیشی کیره‌ک ایدی. بولر ۱۱_سپتامبر هجومی نی یولگه قویگنلردن ایدی.»
بیزلرنینگ فیسبوک صحیفه‌میزگه باش اورینگ!
شونینگدیک سیاسی ایش بیلرمان‌لردن باشقه بیری ویس ناصری نینگ ایتیشیچه: «بولر اوروش غرامتلری نینگ افغان‌لردن آلیش نی ایسته‌یدیلر و بو افغانستان اهالیسی حقیده جفا قیلیش دیر؛ چونکه آمریکا ۲۰ ییل افغانستان‌ده ایدی، اوروش غرامتی نی آلیش یا_ده افغانلر نینگ ۱۱_سپتامبر واقعه‌سی گه مقصر کورگن صورت‌ده، بو موارلر نی ۲۰۱۴_ییل نینگ امنیتی پیمانی‌ده درج قیلیشی کیره‌ک ایدی.»
عین حالده، آمریکا جمهوررئیسی نینگ قراری گه تیگیشلی دنیا عکس‌العمل‌لری گه علاوه، شونینگدیک مذکور فرمان نینگ صادر بولگنی اجتماعی ترماق ایشلاوچیلری نینگ جدی انتقادی بیلن روپه‌رو بولگن. اجتماعی ترماق ایشلاوچیلری نینگ تاکید قیلیش‌لریچه، باغلنگن پولی ذخیره‌لر افغانستان حکومتی گه متعلق ایمس؛ بلکیم اوشبو مملکت اهالیسی گه تیگیشلی دیر و یشاوچیلر گه بیریلیشی کیره‌ک.
