سلام‌وطندار نینگ معلوماتی گه بناً، خلق‌ارا تشکیلات‌لر جمله دن ناروی مهاجرلر کینگشی (NRC)، پاملرنه مؤسسه‌سی، خلق‌ارا قوتقریش کمیته (IRC) و خلق‌ارا «ام‌ام‌آرسی‌ای» تشکیلاتی نینگ فعالیتی توخته‌شی بیلن، افغانستان بویلب اولر نینگ ۱۱ مینگ ۴۴۱ ایشلاوچیسی ایش‌سیز بولگن. اولر ارا ۴ مینگ ۳۷۳ ته‌سینی عیاللر تشکیل بیره‌دی.
ناروی مهاجرلر کینگشی نینگ فعالیتی توخته‌شی بیلن، مذکور اداره نینگ ۴۶۹ عیال خادمی شامل بیر مینگ ۵۴۱ ایشلاوچیسی ایش‌سیز بولگن. اوشبو کینگش ایشلاوچیلریدن بیری هیلن سندبو رینگ نینگ سلام‌وطندار گه ایتیشیچه، مذکور نهاد کیله‌سی ییلی ۷۰۰ محتاج کیشی گه یاردم بیریشنی ریجه‌لشتیرگن ایدی، لیکن حاضر بو ایش نامعلوم قالماقده.
اونینگ کوپه‌یتیریشیچه: «بیز جوده هم خواطرده میز و اوز فعالیت‌لریمیزنی تیزلیک بیلن قیته دن باشلش گه امید بیلدیره‌میز. ییچیم یول تاپیلیشینی کوتماقده‌میز. بیز و ایشلاوچیلریمیز کیله‌جک ده قنده‌ی فعالیت قیلیش دن خواطرده میز.»
بیزلرنینگ فیسبوک صحیفه‌میزگه باش اورینگ!
اسلام امیرلیگی تامانیدن ایچکی و خارجی مؤسسه‌لرده عیاللر نینگ ایشی توخته‌تیلیشیدن کیین، پاملرنه اوز فعالیتینی توخته‌تگن باشقه مؤسسه‌لردن بیری دیر. اوشبو نهاد نینگ افغانستان ۹ ولایتیده قریب ۹۰۰ ایشلاوچیسی بار، اولردن ۳۸ فایزینی (۳۴۲ عیال) عیاللر تشکیل بیره‌دی.
افغانستانده پاملرنه مؤسسه‌سی اورین باسری ریشما عزمی نینگ سلام‌وطندار گه ایتیشیچه: «بیز نینگ عیال همکسب‌لریمیز بوتونلی انعطاف‌پذیر و انسان پرورلیک ایشلر گه مسلکی دیر. اولر محتاج افغان‌لر گه یاردم بیریش ایشلری بوییچه فعالیت قیلماقده. شونی اوچون بیز اولرنی یانیگه توخته‌گن میز.»
شونینگدیک خلق‌ارا قوتقریش کمیته، افغانستانده فعالیتینی توخته‌تگنیدن خبر بیریب، مذکور نهاد نینگ ۳۰۰۰ عیال شامل ۸۰۰۰ ایشلاوچیسی ایش‌سیز بولگنینی معلوم قیلگن.
عین‌حالده، خلق‌ارا «ام‌ام‌آرسی‌ای» تشکیلاتیدن بیر منبع، اوشبو تشکیلات افغانستانده اوز فعالیتینی توخته‌تگنیدن خبر بیرگن. ۵۶۲ عیال شامل بیر مینگ دن آرتیق ایشلاوچیسی بولگن مذکور تشکیلات، باله‌لر و خاتین‌لر نینگ حقوقی بولیمیده فعالیت قیلر ایدی.
«ام‌ام‌آرسی‌ای»، تشکیلات نینگ ایشلاوچیلریدن تمکین دانش گه کوره: «بو یالغیز بیر مؤسسه ایشلاوچیلری نینگ رقمی دیر. باشقه مؤسسه‌لرنی نظرگه آلسک کوپ سانده عیاللر ایش‌سیز بولگن، تصور دن اوزاق دیر.»
ایش بیلرمان‌لر نینگ ایتیشلریچه، مذکور نهادلر نینگ فعالیتی توخته‌شی و اولر نینگ ایشلاوچیلری ایش‌سیز بولیشی بیلن، عایله‌لر نینگ درآمدی کمه‌یشی، قشاق‌لر سانی کوپه‌یشی و افغانستانده قشاق کیشی‌لر نینگ وضعیتیدن انیق معلومات تاپه آلمسلیککه سبب بوله‌دی.
بیزلرنینگ توییترده هم تعقیب قیلینگ!
منطقه بویلب استراتیژیک مطالعه‌لر تدقیقاتچیسی مظاهر رئیس زاده نینگ ایتیشیچه: «بو احوال مملکت نینگ اقتصادی اوستیگه سلبی تأثیر قیله‌دی، ایش‌سیزلر سانی کوپه‌یشی و ملی درآمد کمه‌یشیگه سبب بوله‌دی.»
اقتصادی ایش بیلرمان ظاهر بهزاد گه کوره: «حاضرگچه فعالیت‌لرینی توختتمه‌گن یاردم بیرووچی نهادلر و مؤسسه‌لر، عیال ایشلاوچلری نینگ ایشی توخته‌تیلیشی بیلن، اولر نینگ ایشلری گه بوش‌لیک تاپیلگن.»
ایتیش کیره‌ک که، اوشبو نهادلر گه علاوه، باله‌لردن حمایت قیلووچی تشکیلات افغانستانده فعالیتینی توخته‌تگن.
عین‌حالده شنبه کیچه، ۳ جدی، اقتصاد وزیرلیگی ترقه‌تگن مکتوبی ده، ایچکی و خارجی نادولتی مؤسسه‌لرده عیال ایشلاوچیلر نینگ ایشلرینی توخته‌تدی. نادولتی مؤسسه‌لرده خاتین‌لر نینگ ایشی توخته‌تیلیشی گه دایر اسلام امیرلیگی نینگ قراری، ایچکی و خلق‌ارا مناسبت‌لر گه روپه‌ره بولگن.
