فرانسه تشقی ایشلر وزیرلیگی، دوشنبه کونی ۵-جدی، بیر بیانیه ترقه‌تیش بیلن افغانستان ده نادولتی موسسه‌لرده عیاللر ایشی توخته‌تیلیشی اساسیده اسلام امیرلیگی نینگ قراری نی قاره‌لب و بو قرار نی «تحمل بولمه‌گن» دیگن.
فرانسه تشقی ایشلر وزیری کاترین کولونا، بیر بیانیه آرقه‌لی ایتیشیچه: «اوشبو قرار جدی شکلده انسانپرورلیک یاردم‌لر یوباریلیشی‌دن توسیق بوله‌‌دی.» فرانسه تشقی ایشلر وزیری اسلام امیرلیگی نینگ اوشبو قرارینی افغانستان اهالی‌سی نینگ ضرری گه دیب، عیال‌لردن کوپ قطاری ایشله‌یدی و اولر نینگ سهمی مکمل شکلده تعیین قیلووچی دیب اورغوله‌گن.
بیزلرنینگ توییترده هم تعقیب قیلینگ!
باشقه بیر تامان‌دن، بیرلشگن عرب امیرلیگی نینگ تشقی ایشلر وزیرلیگی بیر بیانیه آرقه‌لی افغانستان ده نادولتی موسسه‌لرده عیاللر ایشی توخته‌تیلیشی نی قاره‌لگن.
بیانیه‌ده کیلیشیچه: «افغانستان جمعیتی نینگ اوچ‌دن ایکی قسمی انسانپرورلیک یاردم‌لر گه نیازی بار و آلتی میلیون کیشی قحطچی‌لیک چیزیغی آستیده قرار تاپگن، اوشبو قرار مملکت‌ده انسانپرورلیک یاردم‌لر ارائه‌سیده توسیق‌لیک قیلیشی ممکن و باله‌لر، کیکسه‌لر و عیاللر کبی زیان کوره‌دیگن کیشی‌لر گه زیان کیلتیریشی ممکن.»
بیزلرنینگ فیسبوک صحیفه‌میزگه باش اورینگ!
عین حالده، اقتصاد وزیرلیگی جاری هفته شنبه کونی ۳-جدی، بیر مکتوب ترقه‌تیش بیلن ایچکی و خارجی نادولتی موسسه‌لرده عیاللر ایشی نی توخته‌تدی.
نادولتی مؤسسهلرده خاتین‌لر نینگ ایشی توخته‌تیلیشی گه دایر اسلام امیرلیگی نینگ قراری، ایچکی و خلق‌ارا مناسبت‌لر گه روپه‌ره بولگن و حاضرگچه، افغانستان ده کمیده تورت خلق‌ارا نهاد فعالیت‌لری نینگ توخته‌تگنلریدن خبر بیرگنلر.
