ایشچیلر بیرلیک کونی ییتیب کیلیشی بیلن ایشچیلر و ایشلاوچیلر ملی بیرلیگی نینگ ایتیشیچه، کون اوتیشی بیلن مملکت ایشچی‌لری نینگ وضعیتی یمان بولماقده و حکومت اولرنینگ وضعیتی یخشی‌لنیشی اوچون هیچ بیر اقدام قیلمه‌گن.
افغانستان ایشچی‌لری نینگ ملی بیرلیگی یا امکا باشلیغی معروف قادری نینگ ایتیشیچه، ایش‌سیزلیک باعث ایشچی‌لردن کوپینچه‌سی آز حقوق بیلن ایشلش گه زورلنه‌دی و شونینگدیک بعضن ایش ایگه‌لری ایشچی‌لرنینگ حقوقی نی بیرمه‌یدی.
جناب قادری گه کوره، کرونا ویروسی، سیاسی قیینچلیکلر و تینچلیک پروسه‌سی نینگ بیللی بولمه‌گنی، ایش‌سیزلیک میزانی یوقاری کیتیشی گه سبب بولگن.
ایشچیلر و ایشلاوچیلر ملی بیرلیک اعضاسی باقی سمندر نینگ ایتیشیچه، افغانستانلیک ایشچیلر، ساغلیک، اجتماعی و ایشچی‌لیک بیمه‌سیگه ایگه ایمس و بیمه یوقلیگی اولرگه کوپینچه قیینچیلیکلر ایجاد قیلگن.
اونگه کوره: «وضعیت یمان دیر. ایشچی اوز کوچی نی قیمت ساتیش نی ایسته‌یدی، بیراق اونینگ ایشچی‌لیک، اجتماعی و ساغلیک بیمه‌سی یوق. بیر آدم ایش قیله‌دی، لیکن اونینگ عایله‌سی حاضرهم آچ دیر. شونده‌ی ایشچی‌لرنی هم تانیمیز که قارنی تولیب نان ییمه‌یدی.»
شونده‌ی بیرحالده، ایش و اجتماعی ایشلر وزیرلیگی نینگ ایتیشیچه، مملکتده ایش وضعیتی یمان بولگن بیرحالده، مذکور وزیرلیک خصوصی سکتولرنینگ همکارلیگی بیلن ایشچی‌لرگه ایش فرصتی یره‌تیش اوچون سعی و حرکت قیله‌دی.
ایش و اجتماعی ایشلر وزیرلیگی نینگ رسانه مسئولی یونس صدیقی نینگ ایتیشیچه: «ایش و اجتماعی ایشلر وزیرلیگی باشقه نهادلر و خصوصی سکتورلر اویغونلیگی بیلن ایشچی‌لرگه ایش زمینه‌سی یره‌تیش اوچون حرکت قیلماقده و شونینگدیک ایشچی‌لردن قطاری نینگ مملکتدن تشقی یوباریش اوچون حرکت قیله‌دی.
ایشچیلر ملی بیرلیگی ایشچی‌لرگه ایش فرصتی ایجاد ایتیلیشی نی سوره‌ب و اولرنینگ حقوقی و امتیازلری ایش دنیا معیارلریگه ماس نظرگه آلینیشی اوستیگه اورغولشگن.
