چیگره بیلمس گزارشگرلر تشکیلاتی، اسلام امیرلیگی تامانیدن اصلی افغان بولگن فرانسهلیک خبرچی مرتضا بهبودی حبس گه آلینگنیدن خواطر بیلدیریب، اونینگ قوییب یوباریلیشی اوچون بیرلشگن ملتلر تشکیلاتی دن یاردم سورهگن.
عینحالده، خبرچیلردن قطاری نینگ ایتیشلریچه، زوروانلیکلردن قورقیش اوچون، خودسانسورلیککه یوز کیلتیرگنلر.
نور تلویزیونی خبرچیلریدن سیدبلال سادات نینگ ایتیشیچه: «اسلام امیرلیگی حاکمیتیدن کیین، خبرچیلر نینگ ایشلری قیین بولگن و خبرچیلر کوپ قیینچیلیک اینیقسه اسلام امیرلیگی رسمیلری نینگ ناقانونی یاندهشووی، کلتکلش و اقتصادی قیینچیلیک بیلن روپهره بولگنلر.»
بیزلرنینگ فیسبوک صحیفهمیزگه باش اورینگ!
تمدن تلویزیونی خبرچیسی اسلامالدین بهنوش گه کوره: «افغانستان وضعیتی گه بناً، خبرچیلر خودسانسورلیک قیلیش گه مجبور بولیشگن، کوپ سانده خبرچیلر و میدیالر ایریم موضوعلر حقیده بحث ایتیشمهیدی، خبرچیلر اقتصادی قیینچیلیک بیلن دوچ بولیشگن.»
عینحالده، افغانستان ایرکین میدیالریدن حمایت قیلووچی نهاد مسئوللری (نی) گه کوره، اوتگن ایکی آی ده، خبرچیلر گه قرشی ۱۵ زوروانلیک واقعه ثبت ایتیلگن.
نی مسئولی ظریف کریمی نینگ ایتیشیچه: «تأسف بیلن ۲۰۲۳_ییل باشلهنیشیدن حاضرگچه خبرچیلر گه قرشی زوروانلیکلر کوپهیگن و اوتگن ایکی آی ده، خبرچیلر گه قرشی تهدید، حقارت قیلیش و قولگه آلیش کبی قریب ۱۵ زوروانلیک واقعه ثبت ایتیلگن.»
شو بیلن بیرگه، معلومات و مدنیت وزیرلیگی مسئوللری نینگ ایتیشلریچه، فرانسهلیک خبرچی مرتضا بهبودی نینگ قضیهسی، خبرچیلیک فعالیتی گه هیچ علاقهسی یوق دیر.
بیزلرنینگ توییترده هم تعقیب قیلینگ!
مذکور وزیرلیک نینگ نشرات ایشلری بوییچه معینی حیاتالله مهاجر فراهی گه کوره: «گرچند مرتضا بهبودی خبرچی تانیلهدی لیکن اونینگ قضیهسی خبرچیلیک فعالیتی گه هیچ علاقهسی یوق. معلومات و مدنیت وزیرلیگی خبرچیلر گه اطلاعات اوچون یخشی شرایط یرهتگن.»
بوندن آلدین، سلاموطندار بیلن صحبت اوتکزگن افغانستان ایرکین میدیالریدن حمایت قیلووچی نهاد مسئوللری، خبرچیلر نینگ وضعتیدن خواطر بیلدیریب ایتیشلریچه، مرتضا بهبودی اوشبو ییل ۵ جنوری دن حاضرگچه لادرک دیر.