فاریاب ده اوچ خبرچی نینگ ایتیشلریچه، اوشبو ولایت نینگ معلومات و مدنیت سابق باشلیغی که حاضر اسلامی امارت سرپرست حکومتیده وظیفه آلگن، اسلامی امارت محکمه‌سیده اولردن شکایت قیلگن.
خبرچیلر مصونیت کمیته‌سی نینگ نماینده‌سی و فاریاب ده بیر رادیو مسئولی فیروز غفوری، آزاد خبرچی بصیره مصمم و الوغ‌بیک غفوری نینگ ایتیشلریچه، حاضرگچه نیچه مرته اسلامی امارت تامانیدن محکمه گه جواب‌گرلیک اوچون چقیریلگنلر.
مذکور خبرچیلر نینگ کوپه‌یتیرشیچه، جمهوریت توزومی ده فاریاب سابق معلومات و مدنیت باشلیغی غلام‌سخی بیان نینگ مالی و اخلاقی فساد گه چلینگن‌لیگینی آشکار قیلگنلر.
بیزلرنینگ فیسبوک صحیفه‌میزگه باش اورینگ!
فاریاب ده افغان خبرچیلر مصونیت کمیته نماینده‌سی فیروز غفوری گه کوره، غلام‌سخی بیان حاضر اسلامی امارت سرپرست حکومتیده ۵-بست ده وظیفه بجرماقده.
جناب بیان حاضر مذکور اوچ خبرچی گه قرشی محکمه گه شکایت قیلیب و خبرچیلر تامانیدن حقارت بولگنینی ایته‌دی.
غلام‌سخی بیان سابق حکومتده، فساد گه عیبله‌نیب آلتی آی زندان بولگن. فاریاب ده آزاد خبرچی‌لردن بولمیش بصیره مصمم نینگ ایتیشیچه، او برچه بیلن شریک قیلگن حجت گه بناً، غلام‌سخی بیان زندان‌لیک وقتیده معاش آلیشینی کورسته‌دی.
مصمم گه کوره، او اوشبو حجت نی ترقه‌تیشی طفیلی جنایی جواب‌گرلیککه تارتیلگن.
فاریاب ژورنالیست‌لر ملی اتفاقی اورین باسری الوغ‌بیک غفوری، اسلامی امارت محکمه‌سی تامانیدن جنایی جواب‌گرلیککه تارتیلگن خبرچی‌لردن دیر ایتیشیچه، سابق حکومت معلومات و مدنیت باشلیغی، اسلامی امارت دن فایده‌لنیب اولرنی زندانی قیلیشنی ایسته‌یدی.
بیزلرنینگ توییترده هم تعقیب قیلینگ!
عین‌حالده، فاریاب ژورنالیست‌لر ملی اتفاق باشلیغی قطب‌الدین کوهی گه کوره، مذکور اوچ خبرچی قریب اوچ هفته دن بویان کیتمه_کیت اسلامی امارت جنایی جرم‌لر اداره‌سی و محکمه‌سی گه چقیریلیب و تحقیق بوله‌دیلر.
جناب کوهی نینگ ایتیشیچه، نیچه مرته بو مسئله‌نی فاریاب ده اسلامی امارت مسئوللری بیلن شریک قیلگن؛ بیراق بو موضوع حلی اوچون حاضرگچه اقدام بولمه‌گن و اوشبو خبرچیلر اسلامی امارت محکمه‌سی تامانیدن تحقیق بولماقده‌لر.
جنایی جواب‌گرلیککه تارتیلگن مذکور اوچ خبرچی، دنیا جماعه‌چیلیگی، چیگره بیلمس گزارشگرلر و مملکت بویلب خبرچی‌لردن حمایت قیلووچی نهادلردن، بوتوغریده دقت قیلیش‌لرنی سوره‌یدیلر.
