«دولت نی ملت گه حسابات بیریش» برنامه‌سی دوامیده، بوگون معلومات ومدنیت وزیرلیگی نینگ مسئوللری، سونگی بیر ییل فعالیت‌لری و یوتوق‌لرینی میدیالر بیلن شریک قیلدی.
مذکور وزیرلیک نینگ نشراتی ایشلری بوییچه معینی حیات‌الله مهاجر فراهی نینگ ایتیشیچه، اولر اوتگن بیر ییل ده، دین و اسلام قانون_قاعده‌لری قرشی بولگن ۱۵۰ عنوان کتاب‌نی تاپگنلر.
اونینگ کوپه‌یتیریشیچه، ملی منفعت و ملی وحدت گه قرشی بولگن باشقه یوزلب کتاب، تیکشیریلماقده دیر. جناب فراهی گه کوره، تاپیلگن کتاب‌لر مسیحیت نی ترغیب قیلووچی کتاب‌لر دیر.
بیزلرنینگ فیسبوک صحیفه‌میزگه باش اورینگ!
عین‌حالده، معلومات و مدنیت وزیرلیگی نینگ فرهنگ و هنر ایشلری بوییچه معینی عتیق‌الله عزیزی، سابق دولت دن تنقید قیلیب ایتیشیچه، سابق دولت مسئوللری فرهنگ و کتاب ساحه‌سیده ایشلمه‌گنلر و اولر زمانیده باسیمدن چیققن کتاب‌لر فرهنگ و مدنیت گه قرشی ایکن.
باشقه تاماندن، اوشبو ییغینده اسلامی امارت سوزلاوچیسی ذبیح‌الله مجاهد گه کوره، بیهقی نشرات ریاستی بیرینچی مراتبه، کابلی تفسیرینی (تفسیر کابلی) فارس تیلیده ترقه‌تگن.
بیزلرنینگ توییترده هم تعقیب قیلینگ!
اونینگ کوپه‌یتیریشیچه، بیرینچی مراتبه ۹ تورلی خیل قرآن‌کریم باسیمدن چیققن که تیزلیک بیلن اهالی اختیاری گه قوییله‌دی. جناب مجاهد گه کوره، افغانستان ده اسلامی امارت حاکمیتدن سونگ، بیهقی کتاب فروش‌لیک دوکان‌لری کابل و باشقه ولایت‌لرده فعال بولگن و حاضر کابل ده ۱۴ غرفه ده فعالیت قیلماقده دیر.
ایتیش کیره‌ک که، معلومات و مدنیت وزیرلیگی، حاضرگه قدر ۵۰ فایز بودجه‌سینی صرفلب و سونگی بیر ییل ده ۹۹ میلیون افغانی درآمد ییققن.
