فطرت، بوگون (۱۵ میزان/۷ اکتوبر، چهارشنبه) امریکا قوشمه ایالتلری‌نینگ افغانستان گه باستیریب کیریش ۲۵-ییللیگی مناسبتی بیلن ایتیشیچه، افغانستان یشاوچیلری‌نینگ امریکا گه قرشی کوره‌شی اولرنینگ هیچ قنده‌ی باسقین، کوچ ایشله‌تیش و تشقی باسیمگه تسلیم بولمسلیگینی اثباتله‌دی.
خوست ولایتیده بیر گروه دهقانلرنینگ ایتیشیچه، اولر اوتگن ییللرده ضرور اوروغ و کوچت‌لرنی باشقه ولایت‌لردن آلیب کیلیشگن، بیراق ایریم اوروغ و کوچت‌لر اقلیم همده اطراف-محیط شرایط‌لریده‌گی فرق سببلی کوتیلگن نتیجه‌نی بیرمه‌گن.
کنر ولایتی سوکی تومنی اهالیسی، ایریم عایله‌لر اوی‌لریده‌گی آقاوه سوولرنی یول و عمومی کوچه‌لر گه چیقره‌یاتگنیدن شکایت قیله‌دیلر. اولرنینگ ایتیشیچه، بو حالت اطراف-محیط‌نینگ افلاسلنیشیگه و محلی اهالی سلامت‌لیگی بیلن باغلیق معمالر گه سبب بولگن.
پنچشیر اوزی‌نینگ بلند تاغ‌لری، چقور وادی (دره)لری و شدتلی دریالری بیلن طبیعی گوزه‌للیگی یانیده، طبیعی آفت‌لر برابریده افغانستان‌نینگ اینگ ضعیف ولایت‌لریدن حسابلنه‌دی. سونگی ییللرده اوشبو ولایت اهالیسی توستدن یوز بیره‌دیگن سیل، تاش کوچیشی، ییر کوچیشی همده قار کوچکی‌لریدن بیر نیچه بار شکایت قیلگن. ایریم حاللرده بو حادثه‌لر ایکینچیلیک ییرلریگه، کوپریک‌لر گه، سوو توغان‌لریگه، برق انشاآت‌لریگه، بازارلر و اهالی‌نینگ اوی‌لریگه جدی ضرر ییتکزگن.
ایکینچیلیک وزیرلیگی، بوگون بیر بیانیه ترقه‌تیب، مولوی عطاءالله عمری ۱۵-۱۶ میزان کونلری تاشکینت شهریده اوتکزیلیشی ریجه‌لشتیریلگن دینگیز گه چیقیش امکانیتی بولمه‌گن مملکتلرنینگ آزیق-آوقت خوفسیزلیگی و برقرار رواجلنیش گه بغیشلنگن جهان تخنیک فورمی‌ده اشتراک ایتیش اوچون اوزبیکستان گه ییتیب بارگنینی معلوم قیلگن.
بلخ ولایتیده ییرلرنی تصفیه قیلیش کمیسیون مسئوللری، اوشبو ولایتده ۲۲ ته شهرچه تیکشیرولردن کیین امارتی اعلان قیلینگنینی معلوم قیلدی.
لوگرده ایریم عیاللر اوی‌لر و کیچیک اوستاخانه‌لرده آزیق-آوقت، کییم-کیچک تیکیش، خامک‌دوزلیک، گلدوزلیک و باشقه بعضی قول توقیمه‌لرنی تیکیش بیلن مصروف، بیراق محصولات‌لرینی ساتیش اوچون مناسب بازار یوقلیگیدن شکایت قیله‌دیلر.
اسلام امیرلیگی تشقی ایشلر وزیری امیرخان متقی، روسیه باش وزیری اورین باسری الکسی اورچوک بیلن اوچره‌شیب و تامانلر افغانستان و روسیه اورته‌سیده اقتصادیات، سودا، ترانزیت و انرژی ساحه‌سیده همکارلیک‌لرنی کینگه‌یتیریش باره‌سیده بحث ایتگنلر.
افغانستان و ایران سودا قوشمه سودا اتاقی، ایران‌نینگ ۱۸۰ نفر سوداگر، سرمایه کیریتووچی و اقتصادی فعال وکیللریدن عبارت سودا هیئتی، بوگون (۱۴ میزان/۶ اکتوبر، سه‌شنبه) کابل گه ییتیب کیلگنینی معلوم قیلدی.
تورکی دولتلر تشکیلاتی گه میلادی ۲۰۰۹ ییلده نخجوان بیتیمی امضالنیشی بیلن اساس سالینگن بولیب، تشکیلات ۱۷ یاش گه تولگن.
انقره و اسلام‌آباد، «مکه مدافعه اتفاقی» دایره‌سیده اوز حربی کوچلری و مدافعه صلاحیت‌لرینی، تیز آره‌ده سعودی عربستان‌ده جایلشتیریش گه قرار قیلگن.
اوکراین عملدارلری، روسیه حربی کوچلری‌نینگ اوشبو مملکت شمال‌شرقی حدودلریده خارکیف شهریده اویوشتیرگن هجوملری عاقبتیده چمه‌سی آلتی کیشی اولگن و ینه ۶۰ کیشی یره‌لنگنینی معلوم قیلگنلر.
اسلام امیرلیگی سوزلاوچیسی ذبیح‌الله مجاهد، اسلام امیرلیگی «خلق‌ارا جنایت محکمه»سینی رسمیت گه تانیمسلیگینی ایتگن.
اوزبیک تیلی ملی کونی مناسبتی بیلن، سویس اولکه‌سی‌نینگ زوریخ شهریده میلادی ۲۰۲۶-ییل، ۲۵ اکتوبر کونی، ۶ عنوان ینگی کتاب تقدیماتی بولیب اوته‌دی. افغانستان اوزبیک خلقی‌نینگ شاعر و یازووچیسی محمدحلیم یارقین، ۱۳ میزان/۵ اکتوبر، دوشنبه فیسبوک صحیفه‌سیده بو حقده خبر بیردی.
کوکره‌ک بیزی سرطانی حقیده خبردارلیک آیی مناسبتی بیلن، ایریم شفاکارلر کوکره‌ک بیزی سرطانی عیاللر آره‌سیده اینگ کوپ اوچره‌یدیگن سرطان تورلریدن بیری ایکنینی ایته‌دیلر. اولرنینگ تأکیدلشیچه، عایله‌وی کسللیک، آرتیقچه وزن، جسمانی فعالیت آزلیگی و یاش‌نینگ اولغه‌یشی عیاللرنینگ اوشبو کسللیکه چلینیشیده مهم عامل بولیشی ممکن.
اوقیتووچی، تعلیم تیزیمی‌نینگ اینگ اساسی پایه‌لریدن بیری و نسللر کیله‌جگی شکللنیشیده تأثیرلی سیمالردن حسابـلـنه‌دی؛ بیراق مملکتده‌گی ایریم اوقیتووچیلر اقتصادی معمالر و تعلیمی امکانیت‌لر آزلیگی اولرنینگ ایش و حیاتیگه تأثیر کورستگنینی بیلدیره‌دیلر.
