اسلام امیرلیگی اقتصاد وزیرلیگینینگ مسلکی معینی عبداللطیف نظری گه کوره، افغانستاندهگی حاضرگی سیاسی مستقللیک بو مملکت اقتصادی اوسیشی اوچون زمینه یرهتگن و کوپ دولتلرنی افغانستان بیلن اقتصادی و سودا مناسبت اورنهتیشگه اوندهگن.
اسلام امیرلیگی اقتصاد وزیرلیگینینگ ایتیشیچه، افغانستان و پاکستان سودا و ترانزیتی علاقهلری توختهگنی ایکی مملکتنینگ هیچ بیری فایدهسیگه ایمس؛ بیراق کابل بدیل یوللرنی رواجلنتیریش و منطقه مملکتلر بیلن اقتصادی همکارلیکلرنی کوچهیتیریب، بیللی بیر یولگه افغانستاننینگ قرهملیگینی کمهیتیرگن.
بغلان ولایتی تالهوبرفک تومنی امنیه قوماندانی اسماعیل ایوبی، بو تومنده ایکی عایله اورتهسیدهگی قوراللی توقنشووده تورت کیشی هلاک بولگنینی معلوم قیلدی. ایوبی گه کوره، اوشبو ایکی عایله اعضالری بوگون (۲۱ اسد/۱۲ آگست، چهارشنبه) تالهوبرفک تومنی «دیوالک» حدودیده ایکینچیلیک سووی اوستیده جنجل قیلگن.
کابلده ایران ایلچیخانهسی، اوشبو مملکتنینگ ایکینچیلیک جهاد وزیری غلامرضا نوری قزلجه، هیئت باشچیلیگیده افغانستان گه کیلگنینی بیلدیردی.
پرتگالنینگ فوتبال بوییچه افسانهوی یولدوزی کریستیانو رونالدو و ارجنتاینلیک مدل جورجینا رودریگز نکاح قیلدی. رونالدو، اجتماعی ترماقلرده نکاح اوزوکلرینینگ صورتینی اعلان قیلدی. معلوماتلر گه کوره، اوشبو مراسم ۲۰ اسد/۱۱ آگست، سهشنبه پرتگالنینگ کاسکایس شهریده اوتکزیلگن.
امریکا جمهور باشلیغی دونالد ترامپ، هرمز بوغوزینینگ بوتونلی نظارتی مملکتی کوچلری قولیده بولگنینی ادعا قیلگن.
یمننینگ خلقارا رسمیتگه تانیلگن دولتی، بابالمندب بوغوزیده حوثیلرنینگ یوک تاشووچی بیر کیمه گه قرشی ایکی باسقیچلی هجومیده، کمیده آلتی کیشی اولیب و باشقه ۱۰ کیشی یرهلنگنینی معلوم قیلگن.
خلقارا ایکینچیلیک و چاروهچیلیک بیرینچی کورگزمهسی بوگون (۲۰-اسد/۱۱-اگست، سهشنبه)، افغانستان ایکینچیلیک و چاروهچیلیک اتاقی آرقهلی کابل چمن حضوریده آچیلگن.
دمشق جنایی محکمهلریدن بیری، اوشبو مملکت سابق جمهور باشلیغی بشار اسد و ایناغهسی همده بو مملکت سابق تیزیمیده جمهورلیک ریاستی قوروقچیلری باشلیغی ماهر اسدنی غیابی شکلده اولیم جزاسیگه حکم قیلدی دمشق جنایی محکمهسی، بوگون (۲۰ اسد/۱۱ آگست، سهشنبه) بشار اسد و ایناغهسینی سوریه فقرالرینینگ اولدیریش و قییناقلشگه عیبلب اولر اولیم جزاسیگه محکوم قیلگن.
بیرلشگن ملتلر تشکیلاتینینگ اوی-جای دستوری، خلقارا جاپان همکارلیکلر آژانسی (جیکا) حمایتی بیلن، هرات شهری زندهجان تومنیده ساغلیق نی سقلش بیر مرکزنینگ قیته قوریلیش ایشی یکونلنگنینی معلوم قیلگن.
واشنگتن پست، بوگون (۲۰ اسد/۱۱ آگست، سهشنبه) ترقهتگن گزارشیده، دونالد ترامپ ایران بیلن باغلیق تهدید سببلی، جولایی آییده حربی اوچاق آرقهلی تورکیهدن بریتانیا گه اوچیب کیتگن، بوندن ایلگری آق سرای او «ایر فورس ون» اوچاغی بیلن سفر قیلگنینی ایتگن ایدی. اوشبو گزارش گه کوره، مثلی کوریلمهگن مخفی ریجهده ترامپ هوا قونالغهنینگ آزیق-آوقت تشووچی موتری ایچیده یاشیرینچ آلیب اوتیلگن.
کلمبیا ییرشناسلیک ادارهسی، اوشبو مملکتده ۷.۴ درجه ریشترلی زلزلهده کمیده ۱۱۱ کیشی هلاک بولگن و ینه یوزلب کیشی بیدرک ایکنینی بیلدیردی. خلقارا ییتکرمهلر، بوگون (۲۰ اسد/۱۱ آگست، سهشنبه) ترقهتگن گزارشلریده، بو زلزله کلمبیا غربی حدودلری اینیقسه کالی، پریرا، کیبدو و مانیزالس شهرلریده سیزیلگنینی معلوم قیلگنلر.
ایرتهلب ساعت ییتی و هیداوچی ییگیتلر دایکندی مرکزی نیلی شهریده جایلشگن شهرک ترمینالیده موترلری یانیگه توریب توختهگنلر. اولردن قطاری چای ایچیب و بیر قطاری ایسه سکوت ایچیده دایکندی تاغلری ایچیدن اوتیب، قندهار دن کابل گه ییتیشهدیگن سرککه قرهب اولتیرگن. ترمینال گه کیرهدیگن بیر-ایکی یولاوچی هم کرایهنی سورهب و قیته چیقهدی. کوتیش، هیداوچیلرنینگ اوشبو کونلری کته قسمیگه اَیلنگن؛ بو مشقتلی کوتیش بعضا کونلب دوام ایتهدی.
«افغان گاز» و «تورکمن گاز» شرکتلری اورتهسیده، تاپی لایحهسی گازینی ساتیب آلیش شرطنامهسی امضالندی.
نورستان مرکزی پارون ده یوز بیرگن سونگی هلاکتلی سوو تاشقینلر، کمیده ۲۵ کیشینینگ اولیمی ۱۱۹ کیشینینگ یرهلنیشیگه سبب بولیب، اویلر، مارکیتلر، ایکینچیلیک ییرلر و سووغاریش آستقورمهلریگه زیان ییتیشتیرگن. نورستان ده طبیعی ۲۳۱ مینگدن آرتیق هکتار اورمان بولگنی بیلن بو واقعهنینگ یوز بیرگنی، بو سوراقنی اورته گه کیلتیرهدی که اورمانلر، تاغلی منطقهلرده توستدن سوو تاشقینلر شدتینی قنچه کمهیتیره آلهدی؟
مهاجرت، تورموش گه چیقیش و عایلهوی قرمه-قرشیلیکلر، ایریم آته-آنهلرنی بالهلریدن اوزاقلشتیرگن؛ بو اوزاقلیک بعضی عایلهلر اوچون فقط مالیهوی قوللب-قوتلمسلیک ایمس. ایریم آته-آنهلرنینگ ایتیشلریچه، انده-سنده بالهلری مالیهوی یاردم کورستسه-ده، بیراق اولرنینگ یانلریده بولمسلیگی اینگ اولا کوندهلیک حیاتلری و روحی حالتلریده سیزیلهدی.
