دمشق جنایی محکمهلریدن بیری، اوشبو مملکت سابق جمهور باشلیغی بشار اسد و ایناغهسی همده بو مملکت سابق تیزیمیده جمهورلیک ریاستی قوروقچیلری باشلیغی ماهر اسدنی غیابی شکلده اولیم جزاسیگه حکم قیلدی.
دمشق جنایی محکمهسی، بوگون (۲۰ اسد/۱۱ آگست، سهشنبه) بشار اسد و ایناغهسینی سوریه فقرالرینینگ اولدیریش و قییناقلشگه عیبلب اولر اولیم جزاسیگه محکوم قیلگن.
اولرگه قوشیمچه، حاضر قماقده بولگن درعا ولایتیده سیاسی امنیت ادارهسی سابق باشلیغی و بشار اسد خالهسینینگ اوغلی عاطف نجیب هم، اوشبو محکمه تامانیدن فقرالرنی اولدیریش و قییناقلشگه عیبلنیب و اولیم جزاسیگه محکوم قیلینگن.
محکمهده کوریب چیقیلگن ایشلر سوریهلیک فقرالرنی اولدیریش و قیناققه سالیش بیلن باغلیق عیبلاولر گه تعلقلی بولیب، بو عیبلاولر سوریهنینگ سابق حکومتیدهگی خوفسیزلیک ادارهلری فعالیتیگه نسبتن بیریلگن. بوندهی حکم چیقریلیشی، اگر اجرا ایتیلسه، سوریه سابق حکومتینینگ یوقاری مرتبهلی عملدارلریگه قرشی چیقریلگن اینگ مهم محکمه حکملریدن بیری بولیشی ممکن.
سوریهده ابومحمد الجولانی نامی بیلن تانیلگن احمد الشرع باشچیلیگیده کوچلر حاکمیت گه تیپهسیگه کیلگچ، بشار اسد و اونینگ عایلهسی روسیه گه کیتدی و الجولانی ایسه بو مملکتده وقتینچهلیک حکومتنی توزگن.
