مملکت یشاوچی‌لری تینچ فضا ده حیات کیچیریش مقصد ده باشقه مملکت‌لرگه مهاجر بوله‌دیلر. لیکن اوز مقصدلریگه قول تاپه آله‌دی می؟ بو گزارشده کوپینچه قیین‌چلیکلرنی تحمل قیلیب اروپا مملکتی‌گه بارگن بیر مهاجرنینگ حکایه‌سینی تعقیب قیله‌میز.
امیرخان نیچه ییل آلدین تینچ‌بیر مملکت‌گه باریش مقصد ده نامنظم مهاجرلیک آرقه‌لی یولگه چیقگن. او، حاضرده کوپینچه قیین‌چیلیکلرنی قبول قیلیش بیلن اوزینی اروپالیک مملکت‌لردن بیریگه ییتیشتیرگن.
«بیز باره‌دیگن پیت‌لرده یولده جنجل‌لر و ناتینچلیکلر کوپ ایدی، قیین‌چیلیکلر کوپ ایدی، پولی‌میز هم یوق ایدی، لیکن بوتون قیین‌چیلیکلرنی تحمل قیلدیک و تینچ بیر مملکت‌گه باریش اوچون یولگه چیقدیک.»
سلام‌وطندارنی فیسبوکده تعقیب قیلینگ
بیراق، امیرخان گه قرشی بولگن قیین‌چیلیکلر یول مسیریده خلاصه بولمه‌یدی. او، مهاجرلر تیریک‌چیلیک قیله‌دیگن بیر کمپ‌گه ییتیشگن پیتده، کرونا ویروسی سبب، قرنطین بوله‌دی. امیرخان کمپ ایچیده هم کوپینچه قیین‌چیلیکلر بیلن روپه‌ره بوله‌دی.
امیرخان نینگ مهاجرلر تیریک‌چیلیک قیله‌دیگن کمپ وضعیتی خصوصیده ایتیشیچه: « مهاجرلرنینگ وضعیتی یمان دیر. چونکه بو ییرده کووید ۱۹ بار. فاصله رعایت ایتیلمه‌یدی. کسل‌لیکلر کوپ دیر و هر کیم اوز قیغوسی بیلن. ایش یوق کرونا کوپه‌یگنی سبب، کمپ دن چیقیش اوچون رخصت بیرمه‌یدیلر. کمپ ده بیر خیمه یا-ده بیر اتاق ده ۱۰ دن باشلب ۱۵ کیشی تیریک‌چیلیک قیله‌دی. فاصله رعایت ایتیلمه‌یدی و انه‌شو سبب، کمپ دن چیقیب ایش‌لش اوچون رخصت بیریلمه‌یدی.»
امیرخان نینگ ایتیشیچه، کمپ‌لرده کرونا ویروسی‌گه توسیق بولیش اوچون دقت بولمه‌یدی و انه‌شو سبب، کوپ قطار کیشی‌لر جان‌لرینی قولدن بیرگن.
مهاجرلیک و باش‌پناه ایزلاوچی‌لر وزیرلیگی نینگ مطبوعاتی بولیمی مصلحتچی‌سی سیدعبدالباسط انصاری نینگ ایتیشیچه، افغانستان دولتی نینگ نماینده‌لری اروپا ده بولگن مهاجرلرنینگ قیینچیلیکلرینی حل قیلیش اوچون سعی و حرکت قیله‌دی.
- مهاجرلیک؛ مقصد یا-ده اولیم گه آلیب باره‌دیگن یول
- امیدلری امیدسیزلیککه اوزگرگن مهاجرلرنینگ حکایه‌لری
- افغانستانلیک متقاعد افسرنینگ مهاجرلیک حکایه‌سی
جناب انصاری نینگ ایتیشیچه: «بیزنینگ نماینده‌لیگی‌یمیز بار. اتشه‌لریمیز فعال دیر. ایران، پاکستان و یونان مملکت‌لریده نماینده‌لیگی‌میز بار و اولر عملا فعالیت قیله‌دی و وطنداش‌لریمیزنی قیینچیلیکلرینی حل قیلیش اوچون اولر سعی و حرکت قیله‌دی.»
جناب انصاری نینگ کوپه‌یتیریشیچه، افغانستانلیک مهاجرلرنینگ اوز مملکت‌لریگه قیتیب کیلیش‌لری کوپراق اوزلریگه تیگیشلی دیر.
اونینگ ایتیشیچه، مهاجرلیک و باش‌پناه ایزلاوچی‌لر وزیرلیگی باشقه نهادلر یاردمی بیلن تینچلیک دن سونگ، مهاجرنینگ قیتیب کیلیش برنامه‌سی اوستیگه ایشلماقده.
مهاجرلیک و پاش‌پناه ایزلاوچی‌لر وزیرلیگی مصلحتچی‌سی نینگ ایتیشیچه: «تورلی بولیم‌لرده تیکشیروو صورت تاپگن. شغل ایجاد قیلیش بولیمی، عاجل یاردم بیریش، باش‌پناه بولیمی. اوشبو پلان مهاجرلیک وزیرلیگی تامانیدن عمل‌گه آشیریله‌دی، باشقه بیرقطار اداره‌لر هم شامل دیر و مسوولیت‌لری بار. مملکت ده تینچلیک تامین ایتیلگن صورتده، پلانی‌میزنی یخشی شکلده عمل‌گه آشیریش‌گه تیار میز.»
اوروش‌لر و ناتنیچلیکلر سبب، افغانستان‌نی ترک قیلگن بوتون مهاجرلر مملکت‌ده تینچلیک تامین‌لنیشینی ایسته‌یدیلر. اولرنینگ ایتیش‌لریچه، افغانستانده دایمی تینچلیک تامین ایتیلگن صورتده، قیتیب کیله‌دیلر.
