افغانستان سودا و سرمایه کیریتیش اتاقی، افغانستان و اوزبیکستان سوداگرلری ۶۵ میلیون دالرلیک ۱۰ بیتیم امضالهگنینی بیلدیردی.
اوشبو اداره، بوگون (۱۷ حمل/۶ اپریل، دوشنبه) ایکس صحیفهسیده بیر بیانیه ترقهتیب، ایکی مملکت سوداگرلری و سرمایه کیریتووچیلری اورتهسیده بو ۱۰ بیتیم، اوزبیکستاننینگ فرغانه شهریده اوتکزیلگن تجارتی ییغیلیشده امضالنگنینی معلوم قیلدی.
ایکی مملکت اورتهسیده امضالنگن بو بیتیملر، افغانستان و اوزبیکستان اورتهسیدهگی مناسبتلر مستحکملنیشی، اقتصادی همکارلیکلر کینگهیتیریلیشی ساحهسیده امضالنگنی ایتیلگن.
بوندن آلدین، افغانستان اوزبیکستان بیلن تورلی ساحهده ایریم شرطنامهلر امضالهگنی ایتیلگن. اوزبیکستان دولتی افغانستان اسلام امیرلیگینی رسمی تن آلگن بولمسه-ده، بیراق یقیندن همکارلیک قیلیب کیلهیاتگن مملکتلردن حسابلنهدی.
