جوزجان ولایتی کینگش اعضالریدن بیرقطاری نینگ ایتیش‌لریچه، اوشبو ولایت نینگ آقچه، فیض‌آباد، مردیان، خانقاه، منگجیک، قرقین، خماب، درزاب و قوش‌تپه تومن‌لری اقتصادی تحریم آستیگه قرار تاپگن.
جوزجان ولایتی کینگش اعضالریگه کوره، جوزجان مرکزی و ۷ تومنیده امنیتی وضعیت خواطرلنترووچی دیر و دقت بولمه‌گن صورتده، مذکور تومن‌لری طالبان قولیگه سقوط قیلیشی ممکن.
جوزجان ولایتی کینگش اعضالریدن بولمیش بسم‌الله ساحل و حفیظ الله ندرت نینگ ایتیشیچه، سونگی اوروش‌لر سبب، آقچه تومنی یشاوچی‌لریدن کمیده ۱ مینگ عایله آواره بولگن و یمان وضعیت‌ده حیات کیچیره‌دیلر.
شونینگدیک، جوزجان ولایتی بوییچه اترا اداره‌سی مسوول‌لری نینگ ایتیش‌لریچه، اوشبو ولایتده یالغیز سلام مخابراتی ترماغی فعالیت قیله‌دی و باشقه شبکه‌لر طالبان تهدیدی سبب، توخته‌تیلگن.
اولرنینگ ایتیش‌لریچه، بو وضعیت نینگ دوام تاپیشی مخابراتی شرکت‌لر چیککه‌سیده، اوشبو ولایت یشاوچی‌لریگه هم زیان ییتیشتیرگن.
سلام‌وطندار اختیاریگه قرار تاپگن حجت‌لرگه کوره، طالبان نینگ قیزل قطعه‌سی باشقه ولایت‌لردن جوزجان ولایتی‌گه کیلیب پاکستانلیک شیخ مطیع‌الله نام‌لی تقاعدلی بیر جنرال بویروغی‌ده اوروشه‌دی.
قولگه کیلگن معلومات‌لرگه کوره، طالبان گروهی فیض‌آباد، آقچه، منگجیک، مردیان تومن‌لری و شونینگدیک، جوزجان-بلخ و جوزجان-سرپل قتناو یولی‌نی سقوط بیریش‌گه قصد قیلگن.
بوتوغریده جوزجان امنیتی و محلی مسوول‌لری فکرینی آلیش اوچون سعی و حرکت قیلدیک، بیراق موفق بولمه‌دیک و طالبان گروهی بوتوغریده فکر بیلدیرمه‌گن.
