د هند په کوربهتوب د روان یو ورځنیو سیالیو نړیوال جام کې نن دوه لوبې کېږي چې لومړۍ لوبه کې سریلانکا له نیدرلنډ سره مخ دی او دویمه سیالي کې به سوېلي افریقا له انګلستان سره ولوبېږي.
د سریلانکا او نیدرلنډ ترمنځ سیالي روانه ده او د سوېلي افریقا او انګلستان ترمنځ لوبه به نن شنبه د اکتوبر ۲۱مه له غرمې وروسته ۱:۰۰ بجه پیل شي.
د سلاموطندار پښتو فېسبوکپاڼه وڅارئ
نیدرلنډ چې خپله تېره لوبه کې سوېلي افریقا ته حیرانونکې ماته ورکړه، د سریلانکا پر وړاندې یې نننۍ لوبه کې لومړی د توپوهنې پرېکړه کړې ده.
سریلانکا بیا روان نړیوال جام کې خپلې لومړۍ بریا ته په تمه ده. دې لوبډلې که څه هم تراوسه ښې سیالۍ کړي، خو کومه بریا یې نهده ترلاسه کړې.
سریلانکا وروستیو پنځو یو ورځنیو سیالیو کې یوازې یوه لوبه ګټلې، خو نیدرلنډ بیا دوه ګټلي او پاتې یې بایللې دي. نیدرلنډ بیا د سریلانکا پر وړاندې وروستیو پنځو یو ورځنیو سیالیو کې له ماتې سره مخ شوی او کومه بریا نهلري.
بلخوا د نن ورځې دویمه لوبه کې سوېلي افریقا له انګلستان سره مخ ده. دواړو لوبډلو خپلې وروستۍ لوبې بایللې دي. انګلستان خپله افغانستان ته او سوېلي افریقا بیا د نیدرلنډ لهخوا مات شوی.