د لوګر محلي چارواکي وایي چې د برهکي برک ولسوالي په «سجاونډ» سیمه کې یو ۲۵ کلن ځوان د اوبوچکډېم ته تر لوېدو وروسته خپل ژوند له لاسه ورکړی دی.
د دغه ولایت د امنیه قومنداني ویاند احمدالله انس سلاموطندار ته وویل، دغه پېښه تېره ورځ هغه مهال رامنځته شوې کله چې یوشمېر ځوانان د برهکي برک ولسوالي د سجاونډ چکډېم ته د لامبو وهلو او تفرېح لپاره تللي وو.
د سلاموطندار پښتو فېسبوکپاڼه وڅارئ
نوموړي زیاته کړه، پېښه کې د محمدجاوید په نوم یو ځوان په یاد چکډېم کې اوبو ډوب کړی او خپل ژوند یې له لاسه ورکړی دی.
هغه زیاته کړه، د برهکي برک ولسوالي امنیتي ځواکونو د یاد ځوان جسد تېره شپه شاوخوا ۹ بجې له اوبو راېستلی او خپلې کورنۍ ته یې سپارلی دی.
باید وویل شي چې د تېرې یوې میاشتې راهیسې دا درېیمه پېښه ده چې رامنتځه کېږي، په لومړۍ او دوېیمه پېښه کې د میدانوردګ او لوګر ولایتونو دوه تنکي ماشومان د لوګر سېند ته لوېدلي او خپل ژوند یې له لاسه ورکړی دی.