د پکتیا امنیه قومنداني مسوولان وايي چې چې په ډنډه پټان ولسوالي کې امنیتي منسوبینو له لوري د خپلو کره کشفي معلوماتو او همغږو عملیاتو په ترڅ کې يوشمېر وسلې چې افغانستان ته راوړل کېدې نيولې دي.
د پکتيا امنيه قومنداني وياند منيب ځدراڼ سلاموطندار ته وويل چې په يادو نيول شويو وسلو کې ٣٤ میله توپانچې، ۴ میله M4 ټوپک، ۴ میله کلاشنکوف ټوپک، ۱ میل کرینموف او ۱ میل ایمپور ډوله توپانچه شامل دي.
دغه وسلې له ګاونډي پاکستان څخه افغانستان ته قاچاق کېداې چې د امنیتي ځواکونو له لوري کشف او نیول شوي دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
ځدراڼ وويل چې سیمې ته د امنیتي ځواکونو تر رسېدو وړاندې د یادو وسلو قاچاق کوونکي په تېښته بریالي شوي، خو د نيولو هڅه یې روانې دي.
پکتیا کې له دې وړاندې هم د امنیتي ځواکونو له لوري وسلې او پوځي مهمات نیول شوي دي.