د فوټسال نړیوال جام په کوارټرفاینل پړاو کې نن دوه لوبې کېږي چې مراکش له برازیل او ونزویلا له اوکراین سره مخ دی.
لومړۍ لوبه چې د مراکش او برازیل ترمنځ ده، د افغانستان پر وخت نن «یکشنبه، سپټمبر ۲۹مه» مازدیګر ۵ بجې به پیل شي.
د سلاموطندار پښتو فېسبوکپاڼه وڅارئ
دغه سیالي به د اوزبیکستان د بخارا ښار په «بخارا یونېورسل سپورټس کمپلېکس لوبغالي» کې ترسره شي.
په ورته مهال له دې سیالي سره به هممهاله د کوارټرفاینل پړاو دویمه لوبه کې ونزویلا له اوکراین سره سیالي وکړي. ټاکل شوې چې یاده لوبه نن مازدیګر ۵ بجې، د اوزبیکستان د تاشکند په هوموارېنا لوبغالي کې پیل شي.
د دواړو سیالیو ګټونکې لوبډلې به د روان فوټسال نړیوال جام نیمه پایلوبې ته لاره ومومي. دغه سیالي د اوزبیکستان په کوربهتوب روانې دي چې د افغانستان فوټسال ملي لوبډله هم پهکې په لومړي ځل ولوبېده.
افغان لوبډلې د روان جام ۱۶ غوره لوبډلو ته لاره پیدا کړه او د پاراګوای پر وړاندې له ښې لوبې وروسته، له دغه جام ووتله.